Brova penelopo
 | ||||||||||||
|---|---|---|---|---|---|---|---|---|---|---|---|---|
 | ||||||||||||
| Biologia klasado | ||||||||||||
| ||||||||||||
| Penelope superciliaris (Temminck, 1815) | ||||||||||||
| Konserva statuso | ||||||||||||
 | ||||||||||||
Aliaj Vikimediaj projektoj
| ||||||||||||
Brova penelopo, Brova jakuo aŭ Jakupembo, Penelope superciliaris, estas neotropisa specio de Jakuo, sudamerika kokoforma birdo de la familio de Kracedoj.
Distribuado[redakti | redakti fonton]
Ĝi vivas en sekaj regionoj de nordorienta Brazilo nome en cerado kaj kaatingo, same kiel ĉe sudorienta Brazilo; ankaŭ ĉe pantanal kaj apuda sudorienta Amazona Baseno. Ĝi troviĝas ankaŭ en orienta Paragvajo kaj plej nordorienta Argentino, kaj orienta Bolivio ĉe Pantanal.[1]
Distingiĝas je tri subspecioj:
- Penelope superciliaris jacupemba Spix, 1825
- Penelope superciliaris major Bertoni, 1901
- Penelope superciliaris superciliaris Temminck, 1815
Biologio[redakti | redakti fonton]
La Brova penelopo vivas en etaj aroj po tri aŭ kvar uloj kaj loĝas en arbaraj bordoj, arbetaroj kaj kaatingoj. Ofte ĝi nestas surbranĉe super riveroj. Se ne estas ĉasta, ĝi toleras homan proksimecon kaj povas troviĝi eĉ ĉe la urbo Rio de Janeiro, ĉe lokoj kiaj la Riodeĝanejra Botanika Ĝardeno aŭ la apuda Arbaro Tijuka.[2]
Aspekto[redakti | redakti fonton]
Ili estas 55 cm longaj birdoj, malhelaj kun rimarkinda nuda ruĝa mentonsako. Temas pri tre malhelbruna kokeca birdospecio. La vosto estas longa. Estas blanka skvameco ĉe la brusto formata de helaj plumobordoj. La irisoj estas ruĝaj kaj la kruroj grizecaj. Nomiga trajto estas hela superokula bordo (brovo) de la nuda vizaĝo kiu povas esti blankeca al sablokolora.
Notoj[redakti | redakti fonton]
- ↑ Johan & Christian Dalgas Frisch, Aves Brasileiras e Plantas que as atraem, São Paulo, authors' edition, 3rd. ed., 2005, ISBN 85-85015-07-1, pp.58/59
- ↑ José Felipe Monteiro Pereira, Aves e Pássaros Comuns do Rio de Janeiro, Rio de Janeiro, Technical Books Editora, 2008, ISBN 978-85-61368-00-5, p. 47
Eksteraj ligiloj[redakti | redakti fonton]
- Filmetoj de Brova penelopo[rompita ligilo] ĉe Internet Bird Collection
- Fotaro de Brova penelopo VIREO
- Photo-High Res Arkivigite je 2007-02-28 per la retarkivo Wayback Machine; Article Arkivigite je 2007-10-05 per la retarkivo Wayback Machine – terrabrasil.org.br-"Brazil Ecosystems"
- Mangoverde, priskribo de Brova penelopo
- Associação Mãe-da-lua Brova penelopo (Penelope superciliaris) Arkivigite je 2017-04-08 per la retarkivo Wayback Machine- Foto, notoj
| ||||||||||||||||||
