Bunta frankolino

El Vikipedio, la libera enciklopedio
Saltu al: navigado, serĉo
Vikipedio:Kiel legi la taksonomionKiel legi la taksonomion
Bunta frankolino
Bunta frankolino, malnova pentraĵo de kaŭra ino live kaj stara masklo malantaŭe
Bunta frankolino, malnova pentraĵo de kaŭra ino live kaj stara masklo malantaŭe
Biologia klasado
Regno: Animaloj Animalia
Filumo: Ĥorduloj Chordata
Klaso: Birdoj Aves
Ordo: Kokoformaj Galliformes
Familio: Fazanedoj Phasianidae
Genro: Francolinus
Specio: F. pictus
Francolinus pictus
(Jardine & Selby, 1828)
Konserva statuso
{{{220px}}}
Konserva statuso: Malplej zorgiga
Francolinus pictus map.png
Aliaj Vikimediaj projektoj
v  d  r
Information icon.svg

La Bunta frankolino (Francolinus pictus) estas specio de Frankolino (birdoj de la familio de Fazanedoj) troviĝanta en herbejaj areoj en centra kaj suda Barato kaj en malaltaj teroj de sudorienta Sri-Lanko. Ili estas facile detektataj pro siaj laŭtaj alvokoj ĉefe dum la reprodukta sezono. Thomas C. Jerdon notis, ke tiu specio troviĝas ĉefe en Centra Barato sude de Narmado kaj oriente de Okcidentaj Ghatoj same kiel ĉe Ĉotanagpur-Altebenaĵo kaj Nordaj Cirkaroj.[1] Ili povas esti konfuzata nur kun la Nigra frankolino kun kiu ĝi parte koincidas kaj ŝajne foje hibridiĝas. Tiu specio povas esti facile apartigita el la ino de Nigra frankolino pro manko de ruĝeca malantaŭa kolumo kaj blankaj punktoj en subaj partoj. La vizaĝo estas ruĝeca kaj ne estas malhela strio malantaŭ okulo.

Aspekto[redakti | redakti fonton]

Tiu specio estas endemia de la Hinda subkontinento. Ĝi estas distribuata dise el Raĝasthano kaj Uttar Pradeŝ suden al duoninsula Barato (sed ne laŭlonge de la marbordo de Malabaro kaj rare sude de Koimbatore[2]) kaj en Sri-Lanko. La specio interreproduktiĝas kun la Nigra frankolino laŭlonge de sia nordo [3]kaj ŝajnas simila al ino de tiu specio, sed ne havas ruĝecan malantaŭan kolumon, anstataŭe havas brilruĝecajn vizaĝon kaj gorĝon. Subaj partoj havas blankajn punktojn, dum la kruroj estas oranĝecflavaj al ruĝaj.[4] Ĝi estas pli arbema kutimare ol la Nigra frankolino.[5] La kruroj de ambaŭ seksoj ne havas spronojn.[6]

La specio estis priskribita baze sur specimeno akirita de John Atherton (rememorata per Nyctyornis athertoni), nepo de P. J. Selby, kiu estis sendita el Bangalore. La tipa loko estis markata kiel Bangalore kvankam la specimeno ŝajne venis de pli norde.[7]

Oni indikis tri subspeciojn. La nomiga populacio estas el centra kaj suda Barato sude de 20°N dum la norda estas la formo pallidus (tipa loko Udaipur). Tiu formo estas pli pala en supraj partoj.[8] La srilanka raso estas watsoni.[9] En Sri-Lanko ĝi havas limigitan distribuadon kaj troviĝas el Uvala patanaoj orienten al malaltaĵoj de Nilgala kaj Bibile.[10]

La populacioj ŝanĝas dum kaj post la musonoj, kaj oni scias ke ĉasistoj kaptis grandajn nombrojn de preskaŭ 300 en kelkaj areoj.[11][12][13]

Disvastiĝo kaj vivejo[redakti | redakti fonton]

La disvastiĝo de tiu orientalisa specio estas sude de la teritorioj de la Nigra frankolino. Ĝi estas dise distribuata en duonsekaj ondecaj herbejoj kun arbustaro aŭ terkultivejoj. Ĝi troviĝas en pli sekaj areoj ol la Nigra frankolino sed en pli humidaj zonoj ol la Griza frankolino.[14]

Kutimaro kaj ekologio[redakti | redakti fonton]

Bunta frankolino alvokante el ripozejo en Pune, Barato.
Alvoko de Bunta frankolino
Sonogramo de alvoko de Bunta frankolino

Ili ne estas facile videblaj, sed iĝas bruemaj dum la reprodukta sezono post la musonoj, el junio al oktobro. La alvoko estas elsendata frumatene kaj estis priskribita kiel de gorĝorompita korvo "ĉii-kii-kerej- ĉii-kii-kerej" kiu estas respondata de aliaj proksimaj birdoj. Ili estas facile vidataj alvokante el alta ripozejo kiaj amaso, arbusto aŭ arbostumpo.[15] For de la reprodukta sezono, ili povas alvoki krepuske.[16] La nesto estas skrapaĵo surgrunde.[4] La ino demetas 6 aŭ 7 malhelajn blankecajn ovojn.[17][18]

Ili manĝas herbosemojn same kiel grenon de kultivata rizo. Ili manĝas ankaŭ skarabojn kaj aliajn insektojn.[18][19] Ili manĝas ankaŭ tuberecajn radikojn de Cyperus rotundus.[20][21]

Dum piedirado ili foje havas la kutimon balanci supren la voston kaj kaze de ĝeno ili kutime senmoviĝas kaj ekflugas nur kaze de tre proksima alproksimiĝo. Ili ripozas en arboj sed foje ankaŭ surgrunde.[14]

En kulturo[redakti | redakti fonton]

Tiu birdo aperas en poŝtmarko de Sri-Lanko.[22]

Referencoj[redakti | redakti fonton]

  1. Jerdon TC. (1864). The Birds of India. Volume 3. George Wyman & Co. 
  2. Whistler, Hugh. (1949). Popular Handbook of Indian Birds. Fourth Edition.. Gurney and Jackson. 
  3. Blanford WT. (1898). Fauna of British India. Birds. Volume 4. Taylor and Francis, London, 137–138. 
  4. 4,0 4,1 Rasmussen PC & JC Anderton. (2005). Birds of South Asia: The Ripley Guide. 2. Smithsonian Institution & Lynx Edicions, 120–121. 
  5. Ogilvie-Grant, WR. (1895). A handbook to the Game-Birds. Volume 1. 1. 
  6. Hume, AO & CHT Marshall. (1880). The Game Birds of India, Burmah and Ceylon. Volume 2. Self published, 19–26. 
  7. (2001) Sir William Jardine: a life in natural history. Continuum International. ISBN 0718501640. 
  8. Abdulali,Humayun (1979). "On the validity of Francolinus pictus pallidus (J.E. Gray).", gazeto : J. Bombay Nat. Hist. Soc., volumo : 76, numero : 2, paĝoj : 362
  9. Baker, ECS (1922). "Hand-list of the Birds of India. Part 7.", gazeto : J. Bombay Nat. Hist. Soc., volumo : 28, numero : 4, paĝoj : 183–226
  10. Wait, WE (1919). "The distribution of birds in Ceylon and its relation to recent geological changes in the Island.", gazeto : Spolia Zeylanica, volumo : 10
  11. Abdulali,Humayun (1943). "Local movements of the Painted Partridge (Francolinus pictus Jard. & Selby) round Bombay.", gazeto : J. Bombay Nat. Hist. Soc., volumo : 43, numero : 4, paĝoj : 658–660
  12. Ogden,FCD (1943). "Local movements of the Painted Partridge Francolinus pictus - around Bombay.", gazeto : J. Bombay Nat. Hist. Soc., volumo : 44, numero : 2
  13. Ghate,RW (1975). "The Painted Partridge on grassland round Nagpur airport.", gazeto : Newsl. for Birdwatchers, volumo : 15, numero : 9
  14. 14,0 14,1 Ali, S & S D Ripley. (1980). Handbook of the birds of India and Pakistan, 2 2, Oxford University Press, 25–27. 
  15. Jerdon, TC. (1864). The Birds of India. Volume 3.. Military Orphan Press.. 
  16. Abdulali,Humayun (1965). "Some notes on the Painted Partridge [Francolinus pictus (Jardine & Selby)] around Bombay : a correction.", gazeto : J. Bombay Nat. Hist. Soc., volumo : 62, numero : 1
  17. Barnes,HE (1886). "Birds' nesting in Rajpootana.", gazeto : J. Bombay Nat. Hist. Soc., volumo : 1, numero : 2, paĝoj : 38–62
  18. 18,0 18,1 Abdulali,Humayun (1964). "Some notes on the Painted Partridge [Francolinus pictus (Jardine & Selby)] around Bombay.", gazeto : J. Bombay Nat. Hist. Soc., volumo : 61, numero : 2, paĝoj : 446–449
  19. Kaul,Rahul; Howman,S (1992). "Distribution and habitat requirements of the Northern Painted Francolin Francolinus pictus pallidus in Jamnagar, India.", gazeto : Gibier Faune Sauvage, volumo : 9, paĝoj : 483–492
  20. Sharma,SC (1964). "Winter food of the Painted Partridge [Francolinus pictus (Jardine & Selby)] in Rajasthan.", gazeto : J. Bombay Nat. Hist. Soc., volumo : 61, numero : 3, paĝoj : 686–688
  21. David,A (1965). "Winter food of the Painted Partridge [Francolinus pictus (Jardine & Selby)] in Rajasthan.", gazeto : J. Bombay Nat. Hist. Soc., volumo : 62, numero : 3
  22. Bird stamps

Eksteraj ligiloj[redakti | redakti fonton]


Haliaeetus leucocephalus LC0198.jpg Rilataj artikoloj troviĝas en
Portalo pri Birdoj