Buochs
| Buochs | |||||
|---|---|---|---|---|---|
 | |||||
 | |||||
| komunumo en Svislando | |||||
| |||||
| Kantono | Nidvaldo | ||||
| Distrikto | En Kantono Nidvaldo ne ekzistas distriktoj | ||||
| Koordinatoj | 46° 58′ 34″ N 8° 25′ 20″ O / 46.97611 °N, 8.42222 °O (mapo)Koordinatoj: 46° 58′ 34″ N 8° 25′ 20″ O / 46.97611 °N, 8.42222 °O (mapo) | ||||
| Areo | km² | ||||
| Alteco | 435 m super marnivelo | ||||
| Poŝtkodo | 6374 | ||||
| Komunumkodo | 1502 | ||||
 | |||||
Pri la komunumo
Buochs estas komunumo en Kantono Nidvaldo, en Centra Svislando. Ĝi havis 5305 loĝantojn je la 31-a de decembro 2008.
Geografio
Buochs situas ĉe la okcidenta bordo de la Kvarkantona Lago. Sude de la komunumo leviĝas la monto Buochserhorn.
La plej alta punkto de la komunumo situas sur alteco de 1'806,8 m s.m. sur la kulmino de la monto Buochserhorn, dum la plej malalta punkto situas sur alteco de 433 m s.m. ĉe la bordo de la lago. La teritorio de la komunumo etendiĝas sur areo de 12,04 km², de kiuj 34,1% estas kovritaj de arbaro, 48,0% servas por agrikulturo kaj 16,0% por setlado.
Najbaraj komunumoj
La komunumo Buochs limas en nordokcidento al Ennetbürgen, en nordoriento aliflanke de la Kvarkantona Lago al Gersau (Kantono Ŝvico), en sudoriento al Beckenried, en sudokcidento al Oberdorf, kaj en okcidento al Stans.
Trafiko
La komunumo Buochs estas konektita al la publika transportreto per la poŝtaŭtolinio de Stans al Seelisberg kaj per la ŝipoj sur la Kvarkantona Lago.
Tra la komunumo pasas la svisa aŭtovojo A2, al kiu ĝi posedas propran alveturejon.
Historio
La unua certigita dokumenta mencio de Buochs datiĝas de la 8-a de junio 1157 kiel Buochses en protektoletero de papo Hadriano la 4-a al la Monaĥejo Engelberg. [1]
Inter la jaroj 1471 kaj 1501 la rivero Engelberger-Aa estis malsovaĝigita per protektodigoj kaj kondukita al la Kvarkantona Lago en Buochs.
Ĉar Nidvaldo kontraŭstaris la Helvetan Revolucion, dum la atako de la franca armeo en 1798, en Buochs 52 personoj estis masakritaj kaj la tuta vilaĝo kun escepto de 3 domoj estis bruligita.
Vidu ankaŭ
Notoj kaj referencoj
Eksteraj Ligiloj
grekeOficiala retejo de la komunumo Buochs grekeBuochs en la Historia Leksikono de Svislando
| ||||||||
