Camagüey (urbo)

El Vikipedio, la libera enciklopedio
Saltu al: navigado, serĉo
Temas pri... Ĉi tiu artikolo temas pri urbo. Por aliaj signifoj vidu la paĝon Camagüey (provinco).
Camagüey

Camagüey (aŭ Kamagvejo kiel preferas esperantistojn) estas urbo de Kubo de la centrorienta regiono de la lando kaj samnoma provinco. La urbo estis fondita la 2an de februaro de la jaro 1514 de Diego Velázquez sub la nomo de Santa María del Puerto del Príncipe komence ĉe la marbordo sed iom pli malfrue pro la ofta invado de korsaroj kaj piratoj la urbo estis translokita al la interno ĉe aborigena vilaĝeto nomata Camagüey kaj de tie ĝia nova nomo kaj estis la tria inter la unuaj sep vilaĝoj fonditaj de la hispanaj konkerantoj.

Nuntempe la urbo havas ĉ. 325 mil enloĝantojn kaj estas la dua plej granda post Havano kaj tria plej grava post Havano kaj Santiago de Cuba.

La tipa kamagvejano diferenciĝas de la aliaj kubanoj ĉefe pro la malsama akĉento en la uzado de la hispana lingvo. La urbo multe kontribuis/as la riĉan kuban historion kaj kulturon:

En tiu ĉi urbo aperis la unua kuba literatura verkaĵo Espejo de Paciencia (Pacienca Spegulo) de Silvestre de Balboa, kanariano loĝanta en Kubo, poetoj kiaj Gertrudis Gómez de Avellaneda, Aurelia Castro kaj Nicolás Guillén; pentristoj kiel Fidelio Ponce; la dua kompanio de kuba klasika baleto, diversaj trupo de tradiciaj kaj modernaj dancoj; korusoj, teatraj trupoj kaj artgalerioj inter multaj aliaj.