Caprivi-regiono

El Vikipedio, la libera enciklopedio
Saltu al: navigado, serĉo
Disambig-dark.svg Tiu ĉi artikolo klarigas pri la regiono Caprivi en Namibio, por la germana regna kanceliero vidu: Leo von Caprivi

Koordinatoj mankas! Bonvolu kunhelpi.Koordinatoj mankas! Bonvolu kunhelpi

Kaprivo
Origina nomo Caprivi
Lando Flago-de-Namibio.svg Namibio
Himno: Land of the Brave
Estas parto de Namibio
Inkludas 6 balotdistriktoj
Administra centro Katima Mulilo
Fondo-dato 21-a de marto 1990
Estro Leornard Mwilima, (SWAPO)
Oficialaj lingvoj siloza, oŝivamba, anglaafrikansa,
Loĝantaro (laŭ la stato de 2001) 79.852
Loĝdenso 4,02 hom./km²
Areo 19.532 (arbaro: 15.000) km²
Kaprivo sur la mapo de Namibio
Kaprivo sur la mapo de Namibio
La mapo de Kaprivo
Hor-zono UTC+1
ISO 3166-2 NA-CA
La oficiala paĝaro
La kategorio en la Komunejo Caprivi
lasta baloto 30-a de novembro 2004
v  d  r
Information icon.svg

Caprivi-regiono aŭ simple Kaprivo estas unu el la 13 administraj regionoj de Namibio. La regiono konsistigas la plej grandan parton de la Caprivi-streko, do, de tiu "duoninsulo", kiu elstaras nordoriente el la konturo de Namibio, etendiĝante al rivero Zambezo ĝis preskaŭ la Viktoria Akvofalo.

Nomdonanto por tiu parto de la iama germana kolonio ("Germana Sudokcidenta Afriko") estis Leo von Caprivi, germana regna kanceliero de 1890 ĝis 1894.

Geografio[redakti | redakti fonton]

Vilaĝo en la Zambeza inundejo

La regiono Caprivi najbaras al la Kavango-regiono (Namibio), norde ĝi limas al Angolo, oriente al Zambio kaj Zimbabvo kaj sude al Bocvano.

Caprivi estas la sola regiono de Namibio, kiu apartenas preskaŭ ekskluzive al la tropiko, kaj ĝi konsistas preskaŭ nur el ebena marĉo. Pluraj tutjare fluantaj riveroj trafluas ĝin: Okavango, Kwando kaj riverbranĉoj de Zambezo. Tiel Caprivi-regiono estas - ĉefe dum la pluvsezono (decembro ĝis marto) - tre malseka regiono, kie inundoj ne maloftas. Ĝi ankaŭ estas riĉega je sovaĝaj bestoj. Granda parto de Caprivi estas naturprotektata (Caŝparko Caprivi, Nacia Parko Mudumu, Nacia Parko Mamili).

Historio[redakti | redakti fonton]

Kanceliero
Leo von Caprivi,
laŭ samepoka foto

En 1890 la regiono apartenis al la brita protektorato Beĉuanalando, sed per la Helgoland-Zanzibar-traktato de la 1-a de julio 1890 Grand-Britio donis - interŝanĝe kontraŭ aliaj terenoj - la Caprivi-strekon al Germanio, kiu integrigis ĝin en la kolonion "Germana Sudokcidento". Germanio strebis al landa konekto inter siaj kolonioj en Afriko, do de Germana Sudokcidenta Afriko al Germana Orient-Afriko. Kanceliero Leo von Caprivi estis la ĉefa traktanto por la germana flanko.

Depost 1890 Caprivi do estis sub germana protekto, foje nomita "Germana Barocelando" aŭ "Germana Zambezilando", kaj administrita de Grootfontein, ĝis en 1909 (la 27-an de januaro) ĝi estis integrita en la protektoraton Germana Sudokcidenta Afriko. En 1914, post ekflamo de la Unua Mondmilito ĝi estis konkerita kaj okupata de Britio. De 1918 ĝis 1929 Caprivi apartenis al la brita kolonio Beĉuanalando, la hodiaŭa Bocvano, poste ĝi denove estis administrita de Sudokcidenta Afriko, kiu siaflanke estis mandate administrita de Sud-Afriko. Dumtempe ĝi konsistigis hejmlandon.

Flago de Caprivi African National Union (CANU) por sendependa ŝtato Caprivi

En 1990 Namibio atingis suverenecon kaj Caprivi estis regiono de Namibio. Aŭguste 1999 en la regiona ĉefurbo Katima Mulilo okazis armita konflikto inter la secesiema movado „Caprivi Liberation Movement“ (CLM) kaj la namibia ŝtato. La konflikto daŭras, kvankam ne plu milite.

Caprivi suferis pro la longdaŭra enlanda milito en Angolo (1975 - 2002): izolitaj trupoj de la venkita Unita fuĝante prirabis kaj terorigis la regionon, armeoj de Angolo kaj Namibio persekutis ilin. Okazis multaj perfortaĵoj, kaj la civila trafiko en Caprivi preskaŭ komplete ĉesis.

Administrado[redakti | redakti fonton]

Ĉefurbo de la Caprivi-regiono estas Katima Mulilo; la 79.852 regionanoj distribuiĝas al jenaj 6 balotdistriktoj:

Loĝantoj[redakti | redakti fonton]

La Caprivianoj estas ĉ. 4 % de la namibia populacio el la etnoj Fwe, lozioj, Subia, San (boŝmanoj), Nyemba kaj aliaj.

Caprivi estas la namibia regiono kun la plej alta kvoto de aidoso. Proksimume ĉiu kvara graveda virino estas infektita per HIV. Entute 34 % de la populacio estas HIV-pozitiva.

La medicina servo de Caprivi havas po unu malsanulejon en Katima Mulilo (220 litoj) kaj Andara (100 litoj), krome 3 sancentroj („Health Centres“) kaj 29 klinikoj. [1]

Ekonomio[redakti | redakti fonton]

Per Caprivi Namibio havas aliron al la akvo de Okavango. Turismo ludas pli kaj pli gravan rolon: Caprivi provizas ekskursojn al Zambezo, Viktoria akvofalo kaj al Okavango-delto. Krome ĝi allogas per la lago Liambezo, la Nacia parko Caprivi kaj la Nacia parko Mudumu.

Fontoj, referencoj[redakti | redakti fonton]

  1. New Scientist raportis (14 jul 2007, p. 8), ke en Caprivi „ĝis 48 % de la plenkreskuloj estas HIV-pozitivaj“.

Vidu ankaŭ[redakti | redakti fonton]

Galerio[redakti | redakti fonton]

Eksteraj ligiloj[redakti | redakti fonton]