Carel Fabritius
Carel Pietersz FABRITIUS [KARel fabRICius] (naskiĝis la 27-an de februaro 1622 en Middenbeemster, Nederlando, mortis la 12-an de oktobro 1654 en Delft) estis nederlanda pentristo, kaj unu el la plej talentplenaj lernantoj de Rembranto.
Biografio
La plejaĝa de multenombra familio, Fabritius estis filo de lernejo-instruisto kaj akuŝistino, edziĝis aĝa de 19 jaroj, kaj aniĝis la atelieron de Rembranto. Ekde 1650 li instalis sin en Delft, Nederlando. Li mortis en oktobro 1654 pro eksplodo en la pulvejo de Delft, kiu ankaŭ mortigis ĉ. 500 aliajn viktimojn kaj eble detruis grandan parton de lia verkaro.
Restas nur dekkvino da pentraĵoj, kiuj estas atribuataj al Fabritius, sed lia verkaro havis grandan influon sur Johannes Vermeer, kiu eble estis lia lernanto.
Verkaro
- 1640 Abraham de Potter, oleo sur kanvaso, 68,5 x 57 cm, Rijksmuseum Amsterdamo.
- ĉ. 1640 La senkapigo de Johano la Baptisto, oleo sur kanvaso, 149 x 121 cm, Rijksmuseum Amsterdam.
- 1643 La revivigo de Lazaro, oleo, Pola Nacia Muzeo, Varsovio.
- 1643/45 Hagar kaj la anĝelo, oleo sur kanvaso, 157,5 x 136 cm, Residenzgalerie Salzburg Aŭstrio.
- 1646 Portreto de maljunulo, oleo sur tabulo, muzeo Louvre Parizo.
- 1646–1651 Knabino kun balailo, oleo sur kanvaso, 107,3 x 91,4 cm, subskribita kiel Rembranto, Nacia Artgalerio, Vaŝingtono.
- 1650 Mem portreto, oleo sur tabulo, 65 x 49 cm, Museum Boijmans Van Beuningen Roterdamo Nederlando.
- 1652 Elvido de Delft, oleo sur kanvaso, 15,4 x 31,6 cm, National Gallery Londono.
- 1654 La kardelo, oleo sur tabulo, Mauritshuis Hago Nederlando.
- 1654 La gardostaranto, oleo sur kanvaso, 68 x 58 cm, Artmuzeo de Shwerin, Schwerin Germanio.
- 1654 Junulo portanta pelta kaskedo (eble memportreto), oleo sur kanvaso, 70,5 x 61,5 cm, National Gallery Londono
Eksteraj ligiloj
greke Biografio el Residenzgalerie, Salzburg (angle) greke Biografio el Residenzgalerie, Salzburg (germane)
