Multkolora dikkapulo

El Vikipedio, la libera enciklopedio
(Alidirektita el Carterocephalus palaemon)
Kiel legi la taksonomionVikipedio:Kiel legi la taksonomion
Kiel legi la taksonomion
Multkolora dikkapulo


Biologia klasado
Regno: (Animalia)
Filumo: (Arthropoda)
Subfilumo: (Hexapoda)
Klaso: (Insecta)
Ordo: (Lepidoptera)
Subordo: (Glossata)
Superfamilio: (Papilionoidea)
Familio: (Hesperiidae)
Subfamilio: Hesperiinae
Genro: Carterocephalus
Carterocephalus palaemon
(Pallas, 1771)
Sinonimoj

Carterocephalus mackenziei Wyatt, 1965
Cyclopides skada Edwards, 1870
Hesperia mesapano Scudder, 1868
Papilio brontes Denis and Schiffermüller, 1775
Papilio paniscus Fabricius, 1775

Aliaj Vikimediaj projektoj
vdr

La multkolora dikkapulo (Carterocephalus palaemon) estas tagpapilio el la familio de la dikkapaj papilioj (Hesperiidae).

La flugtempo estas ekde aprilo ĝis julio inkluzive. La precipaj gastigantaj kreskaĵoj estas la bromusoj.

Priskribo[redakti | redakti fonton]

La papilio havas flugillarĝecon de 29 ĝis 31 milimetroj. La supraj flankoj estas malhele brunaj kun ŝuto de oranĝkoloraj skvamoj ĉe la bazo de la flugiloj, kaj oraj makuloj. Similas la baza modelo je la suba flanko sed la frontflugiloj estas oranĝkoloraj kun malhelaj makuloj, kaj la malantaŭaj flugiloj estas flavruĝaj kun kremkoloraj nigre randitaj makuloj. La seksoj estas similaj kvankam la femaloj ĝenerale estas iomete pli grandaj.

Disvastiĝo[redakti | redakti fonton]

La multkolora dikkapulo estas holarktisa papilio. Ĝi estas vaste disvastigata en norda kaj centra Eŭropo kvankam ne ĉeestanta en Italujo, Portugalujo, Irlando, Danujo kaj nur tre loke en Hispanujo, Grekujo kaj Britujo.
En Anglujo la papilio estas formortinta ekde 1976 sed havas staremajn populaciojn en Skotlando. Klopodoj por reenmeti ĝin Angluje estas ekintaj dum la 1990-aj jaroj. Antaŭe la multkolora dikkapulo tie estis vaste disvastigita kun izolitaj populacioj ekzemple en Devon kaj Hampshire. Oni supozas ke la malapero de la kopsarbaro [1] malaperigis la papilion [2][3][4].
En Nederlando kaj Belgujo ĝi estas endanĝerigata kaj respektive vundebla.
La arealo de la multkolora dikkapulo etendiĝas tra Azio kaj Japanujo kaj ankaŭ en Nordameriko , tra suda Kanado kaj partoj de norda Usono inkluzive de Nov-Anglujo, la areo de la Grandaj Lagoj kaj nordokcidenta Usono, tiom fore suden kiom Kalifornio.

Ĝi vivas en kaj ĉirkaŭ humidaj herbejoj kaj marĉaj arbaroj kie ĝi preferas arbarajn vojojn kaj duonarbarojn. Bluaj floroj de tiaj lokoj ŝajne havas specialan altiran forton por la papilio.


Bildogalerio[redakti | redakti fonton]

Referencoj[redakti | redakti fonton]

  1. esperante Simon Karl-Hermann 1995 : Lexicon Silvestre. Prima Pars. Vortaro de forsta fako. Förderverein Lexicon Silvestre e.V., Eberswalde, 84 p. (p.14). ISBN 3-931 262-08-1
  2. angle Asher, Jim et al. : The Millenium Atlas of Butterflies of Britain and Ireland, Oxford University Press.
  3. angle Brooks, M & Knight, C. : A complete pocket guide to British Butterflies. Jonathan Cape Publishing.
  4. angle Ravencroft, Neil 1996 : The Chequered Skipper. Butterfly Conservation, Colchester, UK.