Casio
Casio (jap. カシオ計算機株式会社 Kashio Keisanki Kabushiki-gaisha) estas japana entrepreno produktanta elektronikaĵojn, kiun fondis la kvar fratoj Kashio en 1946 sub la nomo Kashio Seisakujo (樫尾製作所, esperante „Kashio-fabriko“) en Tokio. Celo de ĉi tiu firmao estis plialtigi la vivkvaliton kaj plifaciligi la laboron per elektronikaj aparatoj. Nun la tutmonde vendata produktaro de Casio ampleksas horloĝojn, ciferecajn filmilojn, poŝtelefonojn, eletronajn vortarojn, komputilojn, muzikilojn, projekciilojn, kasosistemojn kaj elektronikajn komponantojn.
