Cedro

Cedro
Cedro en franca ĝardeno
Biologia klasado
Regno: Plantoj Plantae Divizio: Pinofitoj Pinophyta Klaso: Pinopsidoj Pinopsida Ordo: Pinaloj Pinales Familio: Pinacoj Pinaceae Genro: Cedro Cedrus Trew, 1757
Specioj
Himalaja cedro Cedrus deodara Libana cedro Cedrus libani   C. libani var. libani   C. libani var. stenocoma   C. libani var. brevifolia   C. libani var. atlantica

libana cedro

La ŝtata flago de Libano meze sur-havas designitan cedron.

Cedro (Cedrus) estas genro kun 2 aŭ 5 specioj (laŭ diversa klasifiko). La arboj estas altaj kun deciduaj pingloj are aranĝitaj en ŝosetoj kaj ovoformaj konusoj (strobiloj). La ligno estas tre valora.

• La Himalaja cedro (latine Cedrus deodara) ankaŭ nomiĝas deodaro.
• La Libana cedro (latine Cedrus libani) kreskas libere en Libano, Sirio kaj sudorienta Turkio. La flankaj branĉoj staras horizontale. La arbo estas ofta ornama planto en parkoj de Suda Eŭropo. La ŝtata flago de Libano bildigas ĝin.
• La Atlasa cedro (latine Cedrus libani var. atlantica aŭ Cedrus atlantica) vivas nature en la montaro de Atlaso: ĝi havas pikajn, ĉiamverdajn foliojn en fasko sur etaj ŝosoj. La arbo havas blupinglan varianton, kiun oni plantas ĉe la Mediteraneo kiel ornaman planton.
• La Kipra cedro latine nomiĝas Cedrus libani var. brevifolia aŭ Cedrus brevifolia kaj, koresponde kun la nomo, kreskas aparte sur la insulo Kipro.
• Plia variaĵo havas la latinan nomon Cedrus libani var. stenocoma. Ĝi kreskas aparte laŭlonge de la bordo de la Mediteranea Maro en Turkio.

En sudameriko troviĝas la Brazila cedro ( Cedrela fissilis, Cedrela brasiliensis ), kiu apartenas al alia botanika familio.

Rilataj artikoloj troviĝas en Portalo pri Biologio