Cekumito

El Vikipedio, la libera enciklopedio
Saltu al: navigado, serĉo
Vido de la cekumo

Cekumito (ankaŭ nomita tifilito) estas inflamo de la cekumo, kelkfoje uzata ankaŭ por la apendicito.

Krom la apendicito ĉe la homoj ne estas konataj malsanoj limigitaj aparte al cekumo. Do evidente inflamo de la cekumo estas kutime flanka simptomo de ĝenerala inflamo de la intestosistemo aŭ parto de ĝi. En la kazo de la apendicito tiu povas etendiĝi al la cekumo kaj tiam kaŭzi cekumiton.

Simptomoj[redakti | redakti fonton]

Simptomoj de cekumito povas esti ventropremo, febro, laceco, vomemo, vomo, ventrodoloro kaj diareo.

Kaŭzoj[redakti | redakti fonton]

Kutima kaŭzo de cekumito estas gram-negativaj enteraj komensalismaj bakterioj de la digesta sistemo.

Prognozoj[redakti | redakti fonton]

La inflamo povas etendiĝi tra la tuta digesta sistemo kaj kaŭzi fermiĝon de la cekumo kaj interrompi ties sangoalfluon. Tio kaj aliaj faktoroj povas kaŭzi nekrozon kun perforigo de la intesto, kio povas siaflanke kaŭzi sepson. Tial cekumito povas kaŭzi morton ĝis en 40 ĝis 50 % de la kazoj.