Centra Ameriko

El Vikipedio, la libera enciklopedio
Saltu al: navigado, serĉo
Mapo de Centra Ameriko.

Centra Ameriko estas tiu longa istmo, kiu kuras ekde Jukatano en suda Meksiko ĝis la Panama kanalo aŭ la limo de Kolombio, konektante la du kontinentojn de Ameriko. Centra Ameriko estas laŭ geologia mezurilo sufiĉe nova tero, kun multe da vulkana aktivo. Escepte de anglalingva Belizo ĝi entute apartenas al Latin-Ameriko.

Landoj, denorde suden:

Ankaŭ troviĝas franca insuleto:

Mezameriko estas, ĝenerale, geografia termino, kaj Centra Ameriko, politika. La politika termino celas la kvin mezamerikajn landojn, kiuj sendependiĝis de la Regno de Hispanio je la 15-a de septembro de 1821. Kiel moderna esprimo, kelkfoje, Centra Ameriko inkludas Panamon kaj, eĉ pli malofte, Belizon. Pro ekonomiaj kaj politikaj bezonoj, pli moderne, kiam oni parolas pri Centra Ameriko, oni inkludas ankaŭ Domingon.

En la geografia esprimo Mezameriko estas ofte inkludataj la Grandaj Antiloj (Kubo, Jamajko, Puerto-Riko, kaj la Hispanjolo-Haitio kaj Domingo) plus kelkaj insuloj.

Biodiverseco[redakti | redakti fonton]

Biologie centra Ameriko ege gravas, ĉar sur tiu siĉe malvasta regiono konsistanta el suda Meksiko kaj sep malgrandaj landoj troviĝas 11 % el la surtera totalo de specioj animalaj kaj vegetalaj. Ĝi estas neanstataŭeble riĉotrezoro de biodiverseco. Tial la organizaĵo Naturprotekto Internacie ( angle : Conservation International ) indikis ĝin kiel biodiverseco-varmpunkto. Centrameriko ankaŭ ampleksas la Centramerikajn pinarojn-kverkarojn, kiu estas kunmetita ekoregiono, signita de la Monda Natur-Fonduso ( WWF ) kiel unu el la Tutmondaj 200, listo de prioritataj ekoregionoj por la naturkonservado.

Vidu ankaŭ[redakti | redakti fonton]