Cheyenne

El Vikipedio, la libera enciklopedio
Saltu al: navigado, serĉo

Cheyenne (ŝaj-EN) estas la ĉefurbo de la Usona ŝtato Vajomingo, en kies ekstrema sud-oriento ĝi situas. Ĝi ekestis en la jaro 1867, kiam la fervoja kompanio Union Pacific Railroad atingis tiun regionon, konstruante al-okcidentan fervojan linion por faciligi la konkeron de la lando. Tiutempe la urbo apartenis al la teritorio de Dakoto. La urbonomo devenas de samnoma indiana tribo.

Cheyenne situas je 104,81° de okcidenta longitudo kaj 41,13° de norda latitudo. Ĝi havas iom pli ol 50.000 loĝantojn. Tio estas pli ol dekono de la loĝantaro de Vajomingo kaj du trionoj de la loĝantaro de la ĉirkaŭanta konteo ("graflando") Laramie, la plej loĝata distrikto de la ŝtato.

Oficiala retpaĝejo: www.cheyennecity.org.