Chinon

El Vikipedio, la libera enciklopedio
Saltu al: navigado, serĉo

Chinon estas komunumo de la franca departemento Indre-et-Loire en suda Francio. Ĝi situas en la valo de Rivero Vienne, apud la rivero. La verkisto François Rabelais (ĉ.1493-1553) naskiĝis en Chinon.

La areo de la komunumo estas 39.02 kvadrataj kilometroj; en 1999 estis 8,716 loĝantoj. Chinon famas pro siaj (plejparte ruĝa) vino kaj kastelo.

Chinon havas strategie gravan situon, apud la bordoj de Rivero Vienne ĵus antaŭ ties kuniĝo kun la Luaro. Ekde la prahistoria epoko, komercvojoj iris tra Chinon. Tie eblis facile transiri la Vienne, kaj tiu rivero ligas Limoges kaj la fekundajn ebenaĵojn de Poitou al la Luaro, kaj tiel, okcidente al la maro, kaj oriente al Francilio. Rokoj apud la riverbordo servis kiel natura fortikaĵo kaj ankaŭ protektis kontraŭ inundoj.

Dum la romia epoko konstruiĝis fortikaĵo ĉe Chinon. Nelonge antaŭ la fino de la 4a jarcento, Sankta Meksme, sekvanto de Marteno de Tours, fondis ermitejon kaj poste monaĥejon, kiu estis parte detruata de la Hugenotoj dum la 16a jarcento kaj fermiĝis dum la franca revolucio, kiam okazis plua detruo.

Chinon estis inter la favorataj loĝejoj de Henriko la 2-a (Anglio), kaj dum ties regno estis, kune kun Poitiers kaj Bordeaux, ĉefurbo de la vastaj posedaĵoj de Henriko en suda Francio.

Vidindaĵoj[redakti | redakti fonton]

Vidu ankaŭ[redakti | redakti fonton]

Komunumoj de Indre-et-Loire