Christian Bertin
Christian BERTIN, naskiĝis la 16-an de aprilo 1949, estas franca inĝeniero pri komputoriko kaj informadikisto kaj esperanta terminaristo, vivanta en Bretonio.
Bertin arigis multajn esperantajn terminarojn en eldono "Dictionnaire Multidic français - Esperanto" kun laŭaserte 50.000 enskriboj, kiu estas rete konsultebla kaj havebla por vindozaj komputiloj per codoromo. Li estis kunlaborinto al la Suplemento (1987) de Plena Ilustrita Vortaro (PIV, 1970) pri la fako "informadiko".
Bertin ankaŭ tradukis kun Iwan Kadored la lernolibron "La bretona lingvo ... rapide kaj facile" ("Brezhoneg ... buan hag aes") de Per Denez, aperinta en 1983 ĉe la eldoneje "Bretagne en Direct" en Rennes, al Esperanto.
Bertin estis iama sekretario de Club Espéranto Rennais (Esperanto-klubo de Rennes), sekretario de "Bretagne en Direct" kaj en 2008 gvidas la "Eldonejon Christian Bertin".
Jen diversaj eldonoj de Christian Bertin:
- La kalvarioj kaj ostejoj de Bretonio, historio kaj turismo, Christian Bertin, 107 paĝoj kun bildoj kaj mapoj, formato A5.
- La kanalo de Nantes al Brest, enkonduko, historio kaj priskribo, Christian Bertin, 56 paĝoj kun bildoj kaj mapoj, formato A5.
- La monteto Sankta-Mikaelo, historio kaj turismo, Christian Bertin, 116 paĝoj kun nigraj-blankaj fotoj, formato A5.
- Influprincipoj kaj vendometodoj, Christian Bertin, 2001. 70 paĝoj, formato A5. La influprincipoj estas uzeblaj kaj uzataj ĉie en niaj rilatoj kun aliaj personoj : najbaroj, vendistoj, politikistoj, en restoracioj, sur la strato, en hospitalo, ktp.
- L'espéranto avec plaisir, Christian Bertin, cours d'espéranto pour francophones en 3 volumes de 108 pages chacun.
- "Multidic" granda franca-esperanta vortaro por vindozaj komputiloj, grand dictionnaire espéranto-français sur CD-ROM pour installation sur PC avec Windows.
En 2014, li produktis du apojn por androidaj telefonoj (ili estas elŝuteblaj per la ligiloj):
- Androida apo "Multidic" por vidi sian grandan francan-esperantan kaj esperantan-francan vortaron
- Androida apo "Rennes bus+" por vidi aktualigitajn deirtempojn de busoj en Rennes kaj en Rennes Métropole (france pour voir les heures de départ des bus de Rennes à chaque station).
Li ankaŭ tradukis aŭ verkis multajn artikolojn pri ekonomio, ekologio, Bretonio, ktp. Artikoloj de Christian Bertin
Literaturo
- Darbellay, Christian. Kiu estas kiu en scienco kaj tekniko. Neuss: Darbellay 1981, p. 21 (kun foto)
- Verkoj de Christian Bertin en anekso de lia Angla-Esperanta Telekomunika Vortaro (1983)
Eksteraj ligiloj
- Libroj de kaj pri Christian Bertin en la Kolekto por Planlingvoj kaj Esperantomuzeo
- Artikoloj de kaj pri Christian Bertin en Elektronika Bibliografio de Esperantaj Artikoloj (EBEA)
- Retejo de Eldonejo Christian Bertin