Cirklo

Cirklo

En geometrio, cirklo estas aro de ĉiuj punktoj en ebeno ĉe fiksa distanco (la radiuso) de fiksa punkto (la centro).

En xy-a koordinatsistemo, la cirklo kun centro (x₀,y₀) kaj radio r estas la aro de ĉiuj punktoj (x,y) tiel ke

$(x-x_{0})^{2}+(y-y_{0})^{2}=r^{2}\,$

• Periferio de cirklo: $O=2\pi r\,$
• Areo de cirklo: $S=\pi r^{2}\,$

Cirklo estas 1-dimensia fermita dukto.

Cirklo estas speco de koniko; ĝi estas rigardebla kiel elipso kies fokusoj estas kunfanditaj kun la centro de la cirklo. La granda kaj la malgranda duonaksoj havas la saman longon, la discentreco, ${\boldsymbol {\epsilon }}$, = 0. Ĝi estas la intersekcio inter ebeno kaj rivolua konuso kies akso estas orta al la ebeno.

Difinoj

• Ĥordo: rekta segmento, kiu kunligas du punktojn de cirklo.
• Arko: segmento de cirklo limita de du punktoj.
• Radiuso: rekta segmento kiu kunligas la centron al punkto de la cirklo
• Diametro: rekta segmento kiu trapasas la cirklan centron kaj kunligas du punktojn de la cirklo.
• Disko: regiono en ebeno enhavata ene de cirklo.
• Cirkla sektoro: parto de disko du radiusoj strekoj kaj arko.
• Centra angulo: angulo kies vertico estas la cirkla centro; aŭ angulo inter du radiusoj.
• Cirkonferenca angulo: angulo kies vertico estas unu punkto de la cirklo.

Vidu ankaŭ

• Trigonometria cirklo
• Sfero
• Cirkla segmento