Clausthal-Zellerfeld

Clausthal-Zellerfeld
	Clausthal-Zellerfeld
	Koordinatoj: 51°48′18″N 10°20′08″O / 51.805°N, 10.335555555556°O
Federacia lando	Malsupra Saksio
Distrikto	Distrikto Goslar
Komunumaro	Samtgemeinde Oberharz
Urborajtoj	Urbo (Stadt)
Koordinatoj	51°48′18″N 10°20′08″O / 51.805°N, 10.33556°O
Alto super la marnivelo	560 m
Areo	33,96 km²
Telefona antaŭkodo	05323
Poŝtkodo	38678
Aŭtomobila kodo	GS
Oficiala kodo	03 1 53 004
NUTS	DE916
Subdivido	3 komunumopartoj (Ortsteil)
Komunumestro	Peter Dietz
Partio de komunumestro	Nepartia
Adreso de la administrejo	An der Marktkirche 8; 38678 Clausthal-Zellerfeld
Komunuma retejo	www.clausthal-; zellerfeld.de
v • d • r

Clausthal-Zellerfeld estas urbo en Germanio. Ĝi troviĝas en la distrikto Goslar de la federacia lando Malsupra Saksio en la okcidenta parto de la montaro Harz ĉirkaū 500 m super marnivelo. La urbo konsistas el la du centroj Clausthal kaj Zellerfeld kiuj estas la plej grandaj urbetoj en la komunumaro (Samtgemeinde) Oberharz kiuj enhavas entute proksimume 15.000 homoj. Al ĝi apartenas la vilaĝoj Buntenbock (sude), Wildemann (okcidente) kaj Schulenberg (nord-oriente).

Historie la urbo disvolviĝis en tiatempe malfacile atingebla montara regiono pro minaj agadoj (plumbo kun arĝento kaj iom da oro) kiuj estis ankaū la radikoj de la hodiaūa teknika universitato (TU Clausthal) kun ĉirkaū 3.000 gestudentoj. La fama bakteriologo kaj Nobel-premiito Robert Koch (1843 - 1910) naskiĝis en Clausthal. La domo ankoraū same troviĝas en la urbo kiel la domo kie li vivis dum sia junaĝo.

Por turistoj allogaj estas la arbarriĉa ĉirkaūaĵo, tre granda kolekto da mineraloj, muzeo de minado kaj granda ligna preĝejo (Marktkirche) en la centro de la urboparto Clausthal. Pro manko da neĝo en la lastaj jaroj vintra sporto ne plu estas grava turistomagneto.