Däniken

El Vikipedio, la libera enciklopedio
Saltu al: navigado, serĉo
Däniken
Blazono de Däniken
Blazono de Däniken
Däniken, trafikcirklo en la vilaĝocentro kun rigardo al la atomcentralo Gösgen
Däniken, trafikcirklo en la vilaĝocentro
kun rigardo al la atomcentralo Gösgen
Kantono Soloturno
Distrikto Olten
Koordinatoj  47°21′25″N 7°58′55″O  /  47.35694°N, 7.98194°O / 47.35694; 7.98194 (Däniken)Koordinatoj: 47°21′25″N 7°58′55″O  /  47.35694°N, 7.98194°O / 47.35694; 7.98194 (Däniken)
Nombro de enloĝantoj 2692
Areo 5,41 km²
Alteco 382 m super marnivelo
Poŝtkodo 4658
Komunumkodo 2572
Mapo de Däniken
Mapo de Däniken

Pri la komunumo[redakti | redakti fonton]

Däniken estas komunumo en la distrikto Olten en Kantono Soloturno, Svislando. Ĝi havis 2692 loĝantojn je la 31-a de decembro 2010. (Ne miksu Dänkien en Kantono Soloturno kun Dänikon en Kantono Zuriko.)

Geografio[redakti | redakti fonton]

Däniken situas ĉe la suda bordo de la rivero Aro ĉe la norda deklivo de la ĵurasa montokresto Engelberg, meze inter la urboj Araŭo kaj Olten. Rekonilo de la komunumo estas la malvarmiga turo de la atomcentralo Gösgen, kiu situas ĉe la bordo de la rivero sur la teritorio de la komunumo. Al la komunumo apartenas krom la vilaĝo Däniken la frakcioj Eich, Neu-Däniken kaj Hagnau.

La teritorio de la komunumo etendiĝas sur areo de 5,41 km², de kiuj 34,2% estas kovritaj de arbaro, 32,3% servas por agrikulturo kaj 31,2% por setlado. [1]

Najbaraj komunumoj[redakti | redakti fonton]

La komunumo Däniken situas en nordo al Obergösgen, en nordoriento al Niedergösgen, en oriento al Gretzenbach, en sudo al Walterswil, kaj en okcidento al Dulliken.

Trafiko[redakti | redakti fonton]

Tra la komunumo pasas la kantona ĉefvojo n-ro 5 de Olten al Araŭo. La komunumo disponas pri stacidomo ĉe la trajnlinio de Svisaj Federaciaj Fervojoj de Zuriko tra Araŭo kaj Olten al Soloturno kaj Bielo. Krome tra la komunumo pasas diversaj buslinioj. La plej proksima alveturejo al la svisa aŭtovojo A1 estas Araŭo-okcidento en distanco de proksimume 5 kilometroj orienten.

Historio[redakti | redakti fonton]

La unua dokumenta mencio de Däniken datiĝas el la jaro 1273 kiel Tennikon. Dum mezepoko regis en Däniken la Baronoj de Gösgen kiel protektovoktoj de la Abatejo Schönenwerd. En la jaro 1382 la Senjoroj de Gösgen-Falkenstein heredis la vilaĝon, kiu en la jaro 1458 estis vendita al Soloturno. En la jaro 1627 Däniken estis apartigita de la voktejo Gösgen kaj atribuita al la ĉefejo Olten. [2]

Notoj kaj referencoj[redakti | redakti fonton]

  1. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  2. Fonto: [http://www.hls-dhs-dss.ch/textes/d/D1160.php Hans Brunner : Däniken en Historia Leksikono de Svislando (2004-03-19)]

Eksteraj Ligiloj[redakti | redakti fonton]

Bildoj[redakti | redakti fonton]