Dalo
Dalo (hinde दाल, Dāl, ankaŭ Dhal aŭ Dahl) estas grava plado de la barata kuirarto, kiu precipe konsistas el fabacoj, plej ofte lentoj, sed ankaŭ kikeroj, faboj aŭ pizoj, kies ŝeloj forpreniĝis antaŭ la prepariĝo. Pro longa kuirado la fabacoj iĝas speco de kaĉo, kiu forte spiciĝas per kumino, semoj de koriandro, cepoj, ajlo, kapsikoj, zingibro kaj aliaj spicoj. Dalo estas fundamenta kaj tre disvastiĝinta manĝaĵo en Barato.
Dalo povas esti kaj ĉefa manĝaĵo, ekzemple en la plado Dal Bhat, kaj ankaŭ flanka aldonaĵo al alia plado.