Dinaraj miksaj arbaroj

El Vikipedio, la libera enciklopedio
Saltu al: navigado, serĉo
Bildo de la dinaraj arbaroj, Lika.

La dinaraj miksaj arbaroj estas tersupraĵa ekoregiono el la mediteranea ekoprovinco de la palearktiso ekozono laŭ la tipologio de la Monda Natur-Fonduso (WWF). La ekoregiono kongruas kun samnoma ekoregiono difinita de la Eŭropa Vivmedia Agentejo. Ĝi ankaŭ estas parto de la tutmondaj 200-unuo "eŭropaj-mediteraneaj montaraj miksaj arbaroj". Biome la ekoregiono apartenas al mezvarmaj foliaj kaj miksaj arbaroj de Balkana Duoninsulo.

Situo[redakti | redakti fonton]

La dinaraj miksaj arbaroj konstituas montarbaran regionon de Dinara Montaro. Tiu montaro etendiĝas laŭlonge de la orienta marbordo de Adriatika Maro kaj okupas areon de 58 200 km² en Slovenujo, Kroatujo, Montenegro, Bosnujo kaj Hercegovino, Serbujo, norda Albanujo kaj norda Italujo.

Priskribo[redakti | redakti fonton]

Nacia Parko Kozara, Bosnujo kaj Hercegovino.

La klimato de la ekoregiono estas humida kaj ekstreme humida. La atingopovo de precipitaĵo ĝenerale superas 1 500 mm kaj atingopovoj inter 2 000 kaj 3 500 mm estas komunaj. Maksimumoj mezuritaj en la landinterno de Golfo de Kotor superas jarajn averaĝojn de 4 500 mm ( en la vilaĝo Crkvice ), la plej alta precipitaĵo en Eŭropo kaj unu el la plej altaj de la norda duonsfero. Ĝi situas en la modera klimato laŭ la klimata klasifiko de Köppen kun humidaj someroj (Cfs) kaj montaraj neĝaj klimatoj (Dfs). Kaŭze de neĝa abundeco kaj lavangoj, altmontaraj biotopoj estas komunaj por ĉiuj altaj montoj. Pluraj etaj glaĉeroj ankoraŭ restas en Durmitor kaj Prokletije, la plej altaj montarmasivoj.

Kun la alta precipitaĵo kaj la abundego de kalkoŝtonoj, karstaj reliefoj estas superregantaj.

Kaŭze de la larĝa altituda atingopovo de tiu ekoregiono la plej altaj altitudoj (super 1 500 m) estas kovritaj de koniferaj arbaroj, kaj pli malalte troviĝas miksaj deciduaj arbaroj.

La konifera zono estas dominata de ordinara piceo, blanka abio kaj nigra pino kun kunmikso de eŭropa fago. La superreganta specio de la pli malaltaj altitudoj inkludas diversajn falfoliajn kverkojn (Quercus frainetto, Quercus pubescens, Quercus cerris) kaj orientan karpenon. Fraxinus ornus markas la submediteranean zonon por regionoj sub 600–1000 m (ekde la nordo al la sudo).

Fitogeografie, la ekoregiono estas parto kaj de la Adriatika kaj de la Orient-mediteranea provincoj ene de la Holarktisa Regno (laŭ la tipologio de Armen Takhtajan).

Vidu ankaŭ[redakti | redakti fonton]

Morpho didius Male Dos MHNT.jpg Rilataj artikoloj troviĝas en
Portalo pri Biologio

Eksteraj ligiloj[redakti | redakti fonton]

Europe topography map.png Rilataj artikoloj troviĝas en
Portalo pri Eŭropo
Demanova Ice Cave 22.jpg Rilataj artikoloj troviĝas en
Portalo pri Geografio
Palearktisaj mezvarmaj foliaj kaj miksaj arbaroj
PA0401 Apeninaj deciduaj montarbaroj Italujo
PA0402 Miksaj atlantikaj arbaroj Belgujo, Danujo, Francujo, Germanujo, Nederlando
PA0403 Acoraj moderaj miksaj arbaroj Acoroj (Portugalujo)
PA0404 Balkanaj miksaj arbaroj Bulgarujo, Grekujo, Respubliko Makedonujo, Rumanujo, Serbujo ( Kosovo ), Turkujo
PA0405 Baltaj miksaj arbaroj Danujo, Germanujo, Polujo, Svedujo
PA0406 Kantabriaj miksaj arbaroj Portugalujo, Hispanujo
PA0407 Hirkaniaj-kaspiaj miksaj arbaroj Azerbajĝano, Irano
PA0408 Kaŭkazaj miksaj arbaroj Armenujo, Azerbajĝano, Kartvelujo, Rusujo, Turkujo
PA0409 Keltaj foliarbaroj Irlando, Britujo
PA0410 Centr-anatolaj deciduaj arbaroj Turkujo
PA0412 Mezeŭropaj miksaj arbaroj Aŭstrujo, Belarusujo, Ĉeĥujo, Germanujo, Litovujo, Moldava Respubliko, Polujo
PA0413 Centra-koreaj deciduaj arbaroj Nord-Koreujo, Sud-Koreujo
PA0416 Krimea submediteranea arbarmasivo Ukrainujo, Rusujo
PA0418 Dinaraj miksaj arbaroj Albanujo, Bosnujo kaj Hercegovino, Kroatujo, Italujo, Montenegro, Serbujo, Slovenujo
PA0421 Anglaj malaltaĵaj fagaroj Britujo
PA0422 Foliarbaroj apud Nigra Maro kaj de Kolĉido Bulgarujo, Kartvelujo, Turkujo
PA0432 Padobasenaj miksaj arbaroj Italujo
PA0433 Pireneaj koniferaj kaj miksaj arbaroj Andoro, Francujo, Hispanujo
PA0436 Sarmataj miksaj arbaroj Belorusujo, Estonujo, Norvegujo, Latvujo, Rusujo, Suomujo, Svedujo
PA0440 Tajhejaj ĉiamverdaj arbaroj Japanujo
PA0441 Tajhejaj montaraj deciduaj arbaroj Japanujo
PA0444 Okcident-siberiaj subborealaj arbaroj Rusujo
PA0445 Okcident-eŭropaj foliarbaroj Aŭstrujo, Ĉeĥujo, Francujo, Germanujo, Svisujo