Diskuto:EuroBillTracker

Rejŝo?

En la artikolo estas menciata la vorto rejŝo kun ligilo al ebla paĝo pri ĝi, kvankam tiu paĝo laŭ la stato de hodiaŭ ne ekzistas kaj la vorto do estas ruĝa. Bedaŭrinde al mi en la artikolo ne klariĝas, kio estu "rejŝo", kaj mi trovas la vorton en neniu el miaj vortaroj. Konsentite, ke mi ne havas la plej novan eldonon de PIV el 2002, sed nur la klasikan eldonon de 1970, kaj mi havas dulingvajn vortarojn nur pri la kvin naciaj lingvoj kiujn mi plej parolas (LT EN DE FR NL), ne pri aliaj lingvoj, sed ĉiuj el tiuj vortaroj de mi nur konas iun antikvan moneron "rejso" kaj nenion pli. Mi tute ne kontraŭas iun neologismon se fizikisto en vikipedio per bona artikolo klarigas kio ĝi estu kaj kial ĝi necesas, sed iu vorto kiu nek klariĝas en la ampleksaj vortaroj de Esperanto nek en vikipedio estas dubinda.

ThomasPusch 05:10, 30. Sep 2007 (UTC)

Mi mem parte kontribuis al la artikolo antaŭ du jaroj, kaj mia lingvokono estis tre limigita - kiel klare montras ĉeesto de fuŝitaj akuzativoj. Mi pardonpetas pro tio, ke vi malŝparis tempon por serĉi vorton, kiun mi malatente rekte transprenis el la vortaro Minnaja it-eo. Mi nur poste konsciis, ke tiu vortaro enhavas multajn strangaĵojn kaj ke oni zorge kontrolu, ĉu la proponitaj tradukoj efektive taŭgas aŭ entute uzatas. Mi klopodos plibonigi la artikolon estontece. Amike, --WinstonSmith 15:41, 6. Sep 2010 (UTC)