Diskuto:Listo de Esperantaj romanoj
El Vikipedio
Intence ellasitaj, ĉar ili ne estas romanoj:
- 1912. John MERCHANT. Tri Angloj alilande. [La teksto plenigas nur 60 paĝojn.]
- 1930. K. R. C. STURMER. Por recenzo! [novelo]
- 1965. Teodoro ŜVARC. Maskerado ĉirkaŭ la morto. [aŭtobiografio]
- 1974. Bruno APITZ. Nuda inter lupoj. [traduko]
- 1982. Claude PIRON. Gerda malaperis!. [mallonga, lingvolerniga teksto]
- 1986 (dua eldono). Geraldo Mattos. La nigra Spartako. ["novelo", "56 paĝoj"]
- 1994. Bruno Najbaro. Rakonto de kampara bubo. ["rakontoj"]
- 1995. Eli URBANOVA. Hetajro dancas. [aŭtobiografio]
Strange, ĉu romano ne rajtas esti aŭtobiografia? Evidente jes. La listo havas multajn aŭtobiografiajn romanojn. Sed mi pensas, ke ĉi tiu verko estas pli artisma aŭtobiografio ol aŭtobiografia romano. Vidu la recenzon (http://esperanto.net/literaturo/fo/hetajrrecwa.html) de William AULD, kies opinio estas atentinda, ĉar li estas aŭtoro de libro (http://katalogo.uea.org/katalogo.php?inf=6169) pri Esperantaj romanoj, kiu havas provon de difino kaj bibliografion. (Kompreneble mi rimarkis, ke la recenzo uzas la vorton 'romano' en la titolo, sed legu la recenzon mem.)
- 1996. Spomenka ŠTIMEC. Tena. [biografio]
- 1997. Sten JOHANSSON. Falĉita kiel fojno. ["romaneto"]
- 1997. Sten JOHANSSON. Mistero ĉe Nigra Lago. ["romaneto"]
- 1999. Sten JOHANSSON. Trans maro kaj morto. ["80 paĝoj"]
- 1999. NEMERE István. Serĉu, kaj vi trovos! ["krimromaneto"]
- 2001. Sten JOHANSSON. Neĝo kaŝas nur... ["krimromaneto"]
- 2001. K.J.K. Vroegop. Johano; el la vivo de roterdama knabo. ["rememoroj"]
- 2002. Eugène de ZILAH. Kaj kiu pravas. ["memorsperto"]
- 2003. Endre Dudich. La lumo nutranta. ["scienc-fikcia romaneto", "106 paĝoj"]
- 2003. ERTL István. La postdomo. ["satira romaneto", "85 paĝoj"]
- 2003. Sten JOHANSSON. Memor' mortiga. ["79 paĝoj"]
Ĉu la sekvaj verkoj de Gerard Cool estas romanoj? Laŭ la priskriboj, mi supozas, ke ne.
- Sava la savontino (2000)
- La misio de Sava (2001)
- La homaro inter 2160-3600 (2002)
- La homaro post 5040 jaro (2003)
Ĉu la lasta libro de Manuel de Seabra, Ĉu vi konas Blaise Cendrars? (2007) vere estas originala ? Laŭ la kataluna artikolo de Vikipedio, kataluna kaj portugallingva versioj de la libro aperis en 1984. Pri konveneco de tiu libro en la listo de romanoj, mi aldonas ke laŭ katalogo de UEA, ĝi havas nur 86 paĝojn. Parŝo 18:38, 18. Aŭg 2008 (UTC)
