Distrikto Wągrowiec

El Vikipedio, la libera enciklopedio
Saltu al: navigado, serĉo
Distrikto Wągrowiec
Pola nomo Powiat Wągrowiecki, Distrikto Wągrowiec
Flago Blazono
Situo en regiono
Provinco Grandpollando
Ĉefurbo Wągrowiec (legu: Vongrovjec)
Kvanto de komunumoj:
    urbaj 1
    urbo-kampaj 2
    kampaj 4
Urbeco 47
Areo 1040,8 km2
Loĝantaro 67460 (en 2005)
Loĝdenso 64,82/km2
Aŭtokodo PWA
TERYT 4.30.38.28.00.0
Estro Starosto (Distriktestro) Michał Piechocki
Adreso de estraro ul. Kościuszki 15
Poŝtkodo de estraro 62-100
Telefono de estraro 67 262-01-68
Fakso de estraro 67 262-01-68
Retpaĝaro de distrikto http://www.wagrowiec.pl
v  d  r
Information icon.svg

La distrikto Wągrowiec (pole: Powiat Wągrowiecki) estas distrikto en Grandpollando en Pollando. Oni establis ĝin en la jaro 1999 kadre de la administracia reformo. Sidejo de la Distrikto de Wągrowiec (Vongrovjec) estas la urbo Wągrowiec (legu: Vongrovjec).

La distrikto situas en la nord-orienta parto de la vojevodio Grandpollando. Ĝi okupas la surfacon de 1040,8 km² kaj situas en la historie etnografia regiono nomata Pałuki (legu: Paŭuki), sur la kruciĝo de Piastowski Szlak / itinero de Piastoj kun Szlak Cysterski / itinero de Cistercianoj. Ĝi estas loĝata de pli ol 67 mil loĝantoj en la komunumoj de Wągrowiec, Skoki, Gołańcz (Goŭanjĉ), Damasławek (Damasŭavek), Mieścisko (Mjeŝcjisko), Wapno (Vapno) kaj la urbo Wągrowiec.

Historio de Grandpolio[redakti | redakti fonton]

Historio de Grandpolio t.e. la regiono ĉe la meza Warta /Varto en centra Eŭropo kun ĉefaj urboj Poznań / Poznano, Kalisz (legu: Laliŝ), Leszno (legu: Leŝno) kaj Gniezno (legu: Gnjezno). En la 10-a jarcento Grandpolio estiĝas lulilo de la pola ŝtato (la dinastio de piastoj). De la 966-1793 Grandpolio estas parto de sendependa Pollando. Dum la unua dispartigo de Pollando en la 1772 ekapartenis al Prusio parto de Grandpolio (la Noteć-regiono). Dum la dua dispartigo de Pollando en 1793 la tuta Grandpolio jam kun la Distrikto Wągrowiecki venas sub la prusan regadon. Inter 1807 kaj 1815 Grandpolio estiĝas parto de la Varsovia Duklando. Sekve, inter 1815 kaj 1918 la plejparto de Grandpolio venas duafoje sub la prusan regadon, sed la distriktoj de Kalisz, Koło, Konin kaj Słupca venas sub la rusan regadon. En 1919 plejparto de Grandpolio revenas al la renaskiĝinta Pollando, sed la distriktoj de Babimost (parto), Chodzież (legu: Ĥodzjeĵ) (parto), Międzyrzecz (legu: Liendziĵec), Skwierzyna (legu: Skvjeĵina), Wschowa (legu: Vsĥova) kaj Złotów (legu: Zŭotuf) restas en Germanio. Inter la jaroj 1939-1945 la teritorio estas sub okupo de Nazia Germanio. En 1945 Grandpolio revenas al la renaskiĝinta Pollando.

Historio de la distrikto[redakti | redakti fonton]

Vizitante la Wągrowiec-regionon oni povas ekkoni riĉan historion de la regiono, ligitan strikte kun la cistercianoj, kiuj forte influis ĝian disvolviĝon. La komenco de Wągrowiec estas ligita kun la teritoria ekspansio de la cistercianoj loĝigitaj proksimume en la jaro 1142 en Łekno (Ŭekno), kiu situas proksime de Wągrowiec. En la jaro 1319 opato Gotszalk (Gotŝalk) aĉetas - de Sędziwój el Zarembów (Sendzivuj el Zarembuv) - grundon en la aluvio de la riveroj Varto / Warta (legu: Varta) kaj Nielba (Njelba). Sur tiu tereno komencas aperi konstruaĵoj de la cistercianoj. La disvolviĝanta setlejo de Wągrowiec jam en la jaro 1381 posedis muelejon, digon kaj la paroĥan preĝejon. Tiam ankaŭ unuafoje aperas mencioj pri Wągrowiec kiel la urbo.

Vongrovjec estas la loko, kie naskiĝis pastro Jakub Wujek (Jakobo Vujek), jezuito, teologo, kaj aŭtoro de la unua kaj la plej konata traduko de la Biblio en la polan lingvon.

Inter la konataj personoj devenintaj el la distrikta ĉefurbo estas Adam (Adamo) de Wągrowiec, la cisterciano, orgenisto, en preĝejoj de Vongrovjec kaj Ląd (legu: Lond), la fame konata komponisto de orgenmuziko. Ĉi tie ankaŭ pasigis sian junan aĝon la verkisto de Młoda Polska (Juna Pollando), Stanisław Przybyszewski (legu: Stanislao Pĵibiŝevski).

LA PLEJ GRAVAJ DATOJ EL HISTORIO de la WĄGROWIEC-DISTRIKTO

1797j. Wągrowiec iĝis la reĝa prusia urbo, en tre mallonga tempo oni kreis la distrikton de Wągrowiec, en kies limoj trovis sin i.a. Gołańcz (Goŭanjĉ), Skoki, Rogoźno (Rogoĵno), Łekno (Ŭekno) kaj Mieścisko (Mjeŝcjisko). Wągrowiec atingis rangon de la distrikta urbo kun la ofico de starosto. 1807j. La Wągrowiec-distrikto estis en departemento de Poznano / Poznań dum la Varsovia Dukejo. 1815j. Post establo de la Granda Poznana Dukejo apartenis al la Administra Distriktaro de Bidgoŝto / Bydgoszcz (legu: Bidgoŝĉ). 1818j. Parton de la distrikto oni aligis al distriktoj de: Szubin (legu: Ŝubin), Chodzież (legu: Ĥodzieĵ) kaj Mogilno. 1887j. Nova administra disdivido de la Granda Poznana Dukejo, orientan parton de la Wągrowiec-distrikto oni aligis al la Distrikto de Żnin (legu: Ĵnjin). 1918/19j. La Grandpoliaj Ribeluloj liberigis la distrikton de Wągrowiec, do Wągrowiec plu restis la administra centro de la distrikto. 1939j. En majo oni establis la Batalionon de Nacia Defendo "Wągrowiec" defendcele por apudlimaj regionoj de la distrikto. 1939j. La 8-an de septembro la Wągrowiec-distrikto aliĝis al la Administra Distriktaro de Inowrocław (legu: Inovrocŭav). La 26-an de oktobro la civilan administradon plene transprenis la germanoj. 1945j. La 22-an de januaro la germana okupacia administracio finfine forlasis Wągrowiec, kaj komenciĝis la establado de la pola distrikta administracio. En julio oni establis 6 komunumajn kaj 3 urbajn t.n. naciajn konsilantarojn. Oni iniciatis multe da institucioj por ekposedi tutan distrikton i.a. en novembro oni establis la Distriktan San-centron kaj la Protekt-centron por Patrino kaj Infano. 1955j. Sekvis laŭvica reorganizo de la ŝtata administracio, do la distrikton oni disdividis je 33 t.n. naciaj konsilantaroj. 1975j. Rezulte de la laŭvica administra reorganizo de la lando oni likvidis distriktojn. Pli grandan parton de iama Distrikto de Wągrowiec oni aligis al la Vojevodio de Piła kaj restintan al la Vojevodio de Poznano / Poznań (legu: Poznanj). 1990j. Oni iniciatis la Regionajn Oficojn t.n. "venontaj administrantoj de vojevodio" en tereno. Wągrowiec iĝis la sidejo de la regiono. 1999j. La 1-an de januaro denove oni kreis la Wągrowiec-distrikton. La Distrikto Wągrowiec reaperis la 1-an de januaro en la 1999 jaro rezulte de la administra transformo. Wągrowiec jam estis la distrikta urbo dum la intermilita periodo t.e. dum la Dua Pola Respubliko kaj en la tempo de Pola Popola Respubliko ĝis la jaro 1975.

Historiaj monumentoj, sporto, kulturo[redakti | redakti fonton]

En la distrikto troviĝas pluraj sakralaj objektoj, i.a. la plej malnova historia monumento de la klaso "0" - la ligna preĝejo je la nomo de Sankta Nikolao en Tarnowo Pałuckie (legu: Tarnovo Paŭuckje). Tiaj valoroj kiel la favora medio: pluraj lagoj kaj arbaroj, bone markitaj padoj por piedirantoj kaj biciklaj itineroj, tranoktejoj, bicikla turismo kaj akvosporto kaŭzas perfektajn kondiĉojn por ripozi. Lagoj abundaj je diversspeciaj fiŝoj formas la paradizon por la fiŝhokado. La naturamantojn fascinas la protektata arbaro "Dębina" ("Kverkejo"), kiu situas kelkajn kilometrojn de Wągrowiec. Al ĝi apartenas preskaŭ 300-jaraĝaj kverkoj (apartenas al ili la agnoskita kiel la naturmonumento - la kverko nomata Korfanty), tilioj, ulmoj, aceroj, fagoj, platanaceroj. Inter multaj protektataj specioj de plantoj troviĝas nestoj de grizaj ardeoj kaj de migraj falkoj. Tra la Wągrowiec-distrikto fluas riveroj i.a. Wełna / (legu: Veŭna) kaj Nielba (legu: Njelba), kiuj kruciĝas kreante unikan hidrografian fenomenon, nomatan populare sed false forkiĝo (rimarko: malgraŭ la kruciĝo, ĉiu rivero gvidas sian propran akvon, nur malgranda kvanto de la akvo miksas sin). Wągrowiec estas la urbo kun forte disvolviĝintaj lernejstrukturoj, supergimnaziaj, kun riĉa eduka oferto kaj moderna didaktika bazo. Ekzistas ankaŭ la ebleco atingi altan instruitecon en la filio de la supera lernejo. Riĉa oferto de la instruiteceblecoj faras, ke la distrikto de Wągrowiec estas ekspansie disvolviĝanta scienca centro.

Sur la tereno de la distrikto troviĝas pluraj sportensembloj por praktiki diversajn disciplinojn t.e. leĝeran atletikon, futbalon, manpilkon. La municipo aspiras al pligrandigo de sporta aktivado de siaj loĝantoj. Tiucele en Wągrowiec de la 2010 jaro oni kreis modernan sportripozigan objekton "Aquapark" (Akvoparko).

La Regionon de Wągrowiec karakterizas kulturriĉeco. Ĉi tie okazas multe da aranĝoj esencaj por la kultura vivo ne nur de la regiono de Grandpollando / Wielkopolska, sed ankaŭ por la tuta lando. En la distrikta ĉefurbo kaj en ĝiaj komunumoj - agas amatoraj teatroj, korusoj, junularaj blovorkestroj, pluraj muzikensembloj, popolartistoj. La riĉa kulturvivo en la distrikto grandparte estas la merito de la Regiona Muzeo, de la Urba Kulturdomo kaj de la Muziklernejo en Wągrowiec kaj de la urbaj kaj la komunumaj kulturdomoj kaj bibliotekoj.

Kulturagado en la Wągrowiec-distrikto (prononcu: Vongrovjec) La Wągrowiec-distrikto estas tre forta kulturcentro. Ĉi tie okazas pluraj kulturaranĝoj ne nur de loka, la Grandpolia Regiono, sed preskaŭ de la tuta lando kaj laste pro Esperanto eĉ de Eŭropo. La plej forta kulturaktive estas sendube distrikta urbo mem.

Ĉi tie agas amatoraj teatroj, korusoj, junulara blovorkestro, multnombraj muzikgrupoj, popolaj artistoj, grupo de salona danco kaj ankaŭ laste nove fondita la Tutpollanda Centro de Esperanta Kulturo ĉe la Distrikta Biblioteko.

Grandan meriton de la riĉa kulturvivo de Wągrowiec oni priskribas al la Regiona Muzeo kaj la Urba Kulturdomo. Meritas atentigi la muzeon, kiu krom sezonaj ekspozicioj posedas daŭrajn ekspoziciojn pri la historio de la urbo kaj etnografian ekspozicion la "Fiŝista Kabano".


Nuntempe ni estas unu el la 31 distriktoj de Grandpollando (Grandpolia Vojevodio). Nia distrikto situas en ĝia nordorienta parto en la distanco de ĉirkaŭ 60 km. de Poznano, Bidgoŝto / Bydgoszcz (legu: Bidgoŝĉ) aŭ Piła (legu: Piŭa).

Turismo[redakti | redakti fonton]

Wągrowiec-distrikto troviĝas en la nord-orienta parto de Grandpollando (Grandpolio), grandparte en historia kaj etnografia regiono Pałuki (Paŭuki). La terenon formis retiriĝanta glaĉero. La Wągrowiec - distrikton karakterizas amika naturĉirkaŭaĵo, beleco de la naturo kaj pitoreskaj pejzaĝoj. Troviĝas ĉi tie multaj lagoj, kio kreas grandiozajn kondiĉojn por ripozo kaj akvosportoj kiel: kajaksporto, velado, boatado, motorboatado, akvoskoterado kaj ankaŭ ventsurfado. Ĉi tie estas ankaŭ paradizo por fiŝhokistoj; la lagoj abundas je fiŝoj - angiloj, plotoj, ezokoj, bramoj, tinkoj. Plimulton da distriktaj lagoj ĉirkaŭas arbaroj, en kiuj bone markitaj piedaj kaj biciklaj itineroj invitas kaj instigas por aktivado ne nur la lokan loĝantaron, sed ankaŭ turistojn.

Arbaroj okupas 19.622 ha, tio estas 18,89% de la tuta areo de la distrikto.

La Wągrowiec-distrikto estas tereno malmulte medipoluciita. Troviĝas ĉi tie kelkaj interesaj naturprotektataj terenoj - la arbara, "Dębina" ("Kverkejo"), kiu situas kelkajn kilometrojn de Wągrowiec. Tiu naturrezervejo okupas la areon de 40 ha kaj sur ties tereno troviĝas proksimume 300-jaraĝaj kverkoj. Inter ili la plej grandioza estis agnoskita kiel naturmonumento kaj ricevis la nomon Wojciech Korfanty*. Krom la kverkoj kreskas tie ankaŭ aliaj arboj - tilioj, ulmoj, aceroj, fagoj, platanaceroj kaj en la suba arbarkreskaĵo troviĝas protektataj specioj de sovaĝaj floroj kaj plantoj ekz.: unuflora meliko, koridalo, birdonesta orkideo. En la arbaro trovas loĝlokon ankaŭ diversaj specioj de birdoj, inter ili griza ardeo kaj migra falko.

Sur la tereno de la lagoj de Bracholin (Braĥolin) troviĝas rezervejo de faŭno, en kiu troviĝas 139 specioj de birdoj, en tiu nombro 68 estas specioj ĉi tie nestantaj kiel ekzemple tre malofte renkontata lana anaso, griza ansero, kelkaj specioj de podicipoj kaj ankaŭ marĉa strigo.

La distrikton trafluas kvar riveroj: Wełna (Veŭna), Nielba (Njelba), Struga Gołaniecka (Struga Goŭanjecka) kaj Mała Wełna (Malgranda Veŭna). Du el ili - Nielba kaj Wełna - kruciĝas, kreante unikan hidrografian fenomenon, nomatan populare sed false forkiĝo (rimarko: malgraŭ la kruciĝo, ĉiu rivero gvidas sian propran akvon, nur malgranda kvanto de la akvo miksas sin).

Esperanto[redakti | redakti fonton]

VONGROVJEC FAVORAS AL ESPERANTO

La GES-1

KULTUR - POLITIKA ARANĜO de la venonta Pola Asocio Eŭropo - Demokratio - Esperanto, /EDE-PL , GES-1, la Unua Grandpolia Esperanta Somero /Wielkoposkie Lato Esperanckie/ - en Vongrovjec (La 7-an gĥis 11-an de julio 2010). Aranĝis ĝin la Iniciata grupo "Esperanto por Eŭropa Unio" kaj aktivivuloj de venonta EDE-PL. Dum la mondo ŝanĝiĝas, geesperantistoj agas, laŭ 100 jaraj modeloj, kvazaŭ nenio en la historio okazis. Ni nepre devas niajn agadmodelojn ŝanĝi, serĉi novajn. Ni nepre devas kunlabori kun ĉiuj eblaj organizoj eĉ partioj por ŝanĝi sintenon por Esperanto. Politika agado estas nepre bezona. La E-aranĝo, kiun partoprenis pli ol 40 geamikoj el 5 landoj estis pli ol sukcesa. Jen nur kelkaj substrekindaj faktoj; - ĉiuj partoprenantoj estis akceptitaj de la Urbestro de Vongrovjec - la politikan diskuton partoprenis vicprezidanto de Eŭropa EDE-Federacio d-ro Eugen Macko kaj asistanto de Membro de Eŭropa Parlamento / MEP - la solenan ferman aranĝon partoprenis persone Starosto Michał Piechocki de Distrikto Wągrowiec (legu: Vongrovjec) (starosto t.e. distrikestro) - la oficiala urba ttt-ejo estos prezentita baldaŭ en Esperanto, kaj estos eldonita faldfolio en Esperanto - venonta sidejo de EDE-PL ricevis jam oficejon en la Centro de Esperanta Kulturo en Vongrovjec, str. Kościuszki 49 (legu: Koŝcjuŝki) - pri la aranĝo skribis lokaj ttt-ejoj, gazetaro kaj raportis loka televido: http://www.itvwagrowiec.pl, (Ĉe arkivo enskribu "Esperanto", klaku" serĉu, aperos malgranda bildo, klaku ĝin). - venontjara GES-2 estas planita por 25-29 de junio 2011 kaj la urbaj instancoj promesis financan subtenon. Ĉu eblas pli multe atingi por la unua fojo? Tio nur eblas, se oni politike scipovas agi. Nur serioza laboro estos serioze traktata kaj ricevos seriozajn efektojn. Pitoreskaj ripozeblecoj donis al la aranĝo specialan noton de kontenteco.

CENTRO de ESPERANTA KULTURO en VONGROVJEC, PL-62-100 Wągrowiec, str. Kościuszki 49 / Tadeusz Kościuszko (legu: Koŝcjuŝki), Ret-adreso: jerzy.walaszek@wp.pl, Tel. +48 604 471 480 aŭ +48 607 659 404 (en la pola aŭ en Esperanto)

La centro troviĝas ĉe la ĉefa strato de Vongrovjec en belega iama sidejo de Filio de la Universitato de Poznano - ĉe la ĉefa enirejo ni vidas belan informŝildon de la Esperanto-Centro (la unua ZEO en Vongrovjec), najbare estas Urbodomo kaj Starostejo, kaj tuj apude estas unika en la tuta Grandpolio kaj tre moderna Akvoparko. Julie la 2012 jaro okaze de la 125 jara Jubileo de Esperanto sur la skvaro antaŭ la enirejo de la centro oni oficiale inaŭguros la 6-tunan ŝtonon kun la E-memortabulo okaze de la jubileo (la dua ZEO). EDE-PL ankaŭ strebas, ke iu nova strato en Vongrovjec ricevu la nomon de d-ro Ludoviko Zamenhof. En tiu centro troviĝas E-biblioteko kun ĉirkaŭ 600 E-libroj, E-kompakt-diskoj, E-kasedoj kaj multaj aliaj esperantaĵoj kaj E-afiŝoj - OKAZE ALVOKO AL TUTMONDA ESPERANTISTARO: DONACU LA E-LIBROJN KAJ ESPERANTAĴOJN AL LA E-CENTRO (KONTAKTO: Centro de Esperanta Kulturo, PL-62-100 Wągrowiec, str. Kościuszki 49, Ret-adreso: jerzy.walaszek@wp.pl, Tel. +48 604 471 480 aŭ +48 607 659 404 (en la pola aŭ en Esperanto), ttt-ejo: http://www.ede.esperanto.info.pl. En la posedaĵo de la E-kultur-centro estas tre valora busto de Ludoviko Zamenhof skulptita de fama pola artisto-skulptisto Leon Machowski (legu: Leono Maĥovski), li skulptis nian Majstron speciale por sia filin-esperantistino ............ . Leono Machowski /1916-1988/, estas frato de aktoro Ignacy Machowski. Post la Dua Mondmilito li rekonstruis interalie detruitan monumenton de Ŝopeno en Varsovio kaj en la 1988 faris bareliefan tomboŝtonon kun epitafo de Stefan Kardynał Wyszyński (legu: Stefano Kardinalo Viŝinjski) en la Varsovia Katedralo. La busto de Zamenhof etas en la Centro de Esperanta Kulturo en Vongrovjec. En la Centro de Esperanta Kulturo okazadas la kursoj de Esperanto kaj ĉiu-marde la E-renkontighoj de la loka E-rondo de Pola Asocio Eŭropo - Demokratio - Esperanto (EDE-PL) - ankaŭ ĉi tie estas la sidejo de EDE-PL. Pliajn informojn kaj aktualaĵojn (novaĵojn) pri EDE-PL legu en la ttt-ejo: http://www.ede.esperanto.info.pl

Pola Asocio Eŭropo - Demokratio - Esperanto[redakti | redakti fonton]

EDE-PL /Pola Asocio Eŭropo - Demokratio - Esperanto/ - JAM REALAĴO

20-an de marto 17 personoj renkontiĝis en Vongrovjec, por finfine elekti estraron de EDE-PL kaj oficialigi asocion kiel filion de Federacio de EDE. Post preskaŭ unu jara intensa laboro niaj taskoj estis plenumitaj, sukcesa kolekto de 1000 subskriboj, statuto. Juna organizaĵo kun prezidanto: Franciszek WITUCKI, vicprezidantoj: Anna LASKOWSKA kaj Eduardo Kozyra, kiel pluaj membroj de polaj urboj: Gdinio / Gdynia (Kazimierz Krzyżak), Bielsko-Biała, Krasnystaw, Malborko / Malbork kaj lokaj matadoroj garantias novspecan politikan agadon de esperantistaro. Ĉe okazo estis kunveno kun parlamentano de pola Sejmo Stanislao Stec. Same estis aranĝita prelego al c. 150 lernantoj de supergimnaziaj lernejanoj, kiun majstre gvidis kol. Kazimiro Krzyżak. Kelktaga restado estis ankaŭ intense uzita por instruado en la loka Centro de Esperanta Kulturo, kiu vere estas Esperanto-trezoro kaj ĝi troviĝas en centro de Vongrovjec. Bonegajn kondichojn povas nur aliaj envii. Estis ankaŭ pritraktitaj programeroj por venonta GES-2. La nove inaŭgurita Akvoparko en Vongrovjec - plej moderna en tuta regiono donos bonegajn kondiĉojn por familia vojaĝo al la sekvontaj GES!!!

La GES-2

De la 25-a ĝis la 29-a de junio 2011, en la pitoreske situanta urbo Vongrovjec okazis la kultur–politika E-aranĝo GES-2, „La 2-a Grandpolia Esperanta Somero” en kiu krom polaj esperantistoj partoprenis ankaŭ gastoj el Germanujo, Hungario, Italio, Serbio kaj Ĉinio. Dum la unua tago la aranĝon honorigis per sia ĉeesto parlamentano de la pola Sejmo - Tadeusz Tomaszewski (legu: Tadeo Tomaŝevski), kiu alportis kaj tralegis specialan salutleteron de Vicprezidanto de la pola Sejmoparlamentano Jerzy Wenderlich (legu: Georgo Venderliĥ), la Alta Protektanto de la Dua GES, al kiu oficaj devoj malebligis personan ĉeeston dum la aranĝo. Dum la diskutado, la parlamentano de pola Sejmo Tadeo Tomaszewski sugestis al ni, ke eblas kaj valoras krei en la Pola Sejmo - Parlamentanan Klubon de E-amikoj kiu per sia agado helpos en disvastigo de la ideo kaj lingvo Esperanto en la pola Sejmo kaj Pollando kaj havus konstantan kontakton kaj kunlaboron kun i.a. Pola Asocio Eŭropo - Demokratio - Esperanto (EDE-Pollando). Parlamentano Tomaszewski promesis, ke post la aŭtunaj novaj balotoj por la pola Sejmo, se li denove estos parlamentano, ni povas certe kalkuli je lia helpo kaj li povus gvidi la Parlamentanan Klubon de E-amikoj. Kun germanaj kaj hungaraj reprezentantoj de Federacio de Eŭropo - Demokratio - Esperanto (EDE) ni diskutis pri eblecoj de nia agado sur la eŭropa politika scenejo kaj pri eblecoj de disvastigo de Esperanto en Eŭropo kiel duonoficiala lingvo apud la 23 oficialaj lingvoj de Eŭropa Unio. Pola Sekcio de EDE formiĝis plej parte de membroj de t.n. Iniciata Grupo „Esperanto por Eŭropa Unio”. S-ro Kazimierz Krzyżak (legu: Kĵiĵak) priparolis do la plej gravajn sukcesojn de tiu ĉi grupo kaj oficiale la grupon likvidis, por ke ĉiujn taskojn transprenu jam pli multaj membroj de EDE-PL. Fine, ĉiuj aktivaj membroj de antaŭa Iniciata Grupo ricevis pro sia agado bele faritajn „dankesprimojn” kaj s-roj Kazimierz Krzyżak kaj Francisko Witucki (Prezidanto de EDE-PL) ankaŭ simbolajn distingojn. Dum GES-2, krom la politikaj, okazis ankaŭ la kultur-turismaj aranĝoj. Dimanĉe, la 26-an de junio, pastro Stanislao Stolc celebris en la loka preĝejo la sanktan meson en la lingvo Esperanto dum kiu, danke al penado de Irena Grochowska (legu: Groĥovska), la loka koruso ekkantis la Eŭropa himno en la pola lingvo kaj en Esperanto kaj poste ankaŭ en Esperanto – la religiajn kantojn. Danke al vastaj kontaktoj kaj penado de Stanisław Rynduch (legu: Stanislao Rinduĥ), venis al Vongrovjec itala kantisto Manuelo Rovere kaj ĉina entuziasmulino de Esperanto Fan Qiu Ju (Rozo). En la urba biblioteko ni povis aŭskulti ilian belegan koncerton en Esperanto kaj rakonton de Fan Qiu Ju pri ŝia vojo al Esperanto kaj ŝia granda revo – viziti Pollandon kiel patrujon de Esperanto. La koncerton ĉeestis ankaŭ Vicurbestro de Vongrovjec, s-ro Grzegorz Kamiński (legu: Gregoro Kaminjski), kiu post la koncerto en la nomo de Urbestro de Vongrovjec, s-ro Stanisław Wilczyński (legu: Stanislao Vilĉinjski), invitis ĉiujn al komuna tagmanĝo en la plej bona loka hotelo. Dum GES-2 okazis ankaŭ interesaj ekskursoj tra la urbo kaj ĉirkaŭaĵo – laŭ la vojo de la malnovaj lignaj preĝetjoj, boata ekskurso sur la belega loka lago Durowskie (legu: Durovskje) kaj komuna bivak-fajro kun rostitaj kolbasetoj.

La 30-an de junio la partoprenantoj de GES-2 forveturis al Malborko / Malbork por partopreni en la alia grava evento, kiu okazis en la unika esperantista „Parko de la Mondo", oni inaŭguris ĉi tie la Esperanto-memorŝtonon omaĝe al Etsuo Miyoshi "MECENATO de ESPERANTO" kaj ĉe tiu jam 42-a ZEO / Zamenhof/Esperanto-Objekto Vojevodo de Pomerio distingis la eminentan japanon per la alta Ŝtata Ordeno dekrete donita de Prezidento de Pollando Bronisław Komorowski pro la promociigo de Esperanto kaj pola kulturo en Eŭropo kaj en la tuta mondo. La merita esperantisto el Gdinio / Gdynia Kazimierz Krzyżak (legu: Kazimiro Kĵiĵak) tuj poste kun: Pomeria Vojevodo, Prezidanto de la Pomeria Sejmeto kaj kun Prezidanto de la Pomeri-Kaŝuba Asocio - ili kvar-persone plantis kverkon "Kaŝubio" kaj inaŭguris la Esperanto-memorŝtonon la 43-an ZEO-n en Malborko (la ZEO-n sponsoris Pola Asocio Eŭropo - Demokratio - Esperanto / EDE-Pollando)

Statistikaj donitaĵoj[redakti | redakti fonton]

La Wągrowiec-distrikto okupas la areon de 1040,8 km2 kaj estas unu el la pli grandaj distriktoj de Grandpollando (Grandpolio). Loĝas en ĝi pli ol 68 miloj da loĝantoj.

Konsistigas ĝin 7 komunumoj:

La Urba Komunumo Wągrowiec Urbo-vilaĝaj komunumoj - Gołańcz (Goŭanjĉ), Skoki. Vilaĝaj komunumoj - Damasławek (Damasŭavek), Mieścisko (Mjeŝcjisko), Wapno (Vapno), Wągrowiec

Komunumo surfaco - 1040,8 km2 loĝantaro - 68311 Damasławek 104,7 km2 5502 Gołańcz 192,1 km2 8433 (urbo: 3389, vilaĝo: 5044) Mieścisko 135,6 km2 5955 Skoki 198,5 km2 8875 (urbo: 3943, vilaĝo: 4932) Wapno 44,2 km2 3003 Komun. Wągrowiec 347,8 km2 11514 Urbo Wągrowiec 17,9 km2 25029

La stato por la 30.06.2009.

Statistikaj donitaĵoj laŭ la Ĉefa Statistika Oficejo en Varsovio www.stat.gov.pl.

Kiel alveturi ?[redakti | redakti fonton]

Trajne: de Poznano / Poznań tra Skoki (averaĝa tempo de la veturado 1,5 h.).

Aŭtobuse: de Poznano / Poznań tra Skoki aŭ tra Rogoźno (legu: Rogoĵno); de Piła (legu: Piŭa) tra Chodzież (legu: Ĥodzjeĵ); de Bidgoŝto / Bydgoszcz (legu: Bidgoŝĉ) tra Szubin (legu: Ŝubin) (averaĝa tempo de la veturado 1,5 h.)

Aŭtomobile: de Poznano / Poznań tra Skoki laŭ la vojo n-ro 196 aŭ tra Oborniki - laŭ la vojo n-ro 11, kaj poste la vojo n-ro 195, de Piła (legu: Piŭa) laŭ la vojo n-ro 11, kaj poste la vojo n-ro 192, de Bidgoŝto / Bydgoszcz (legu: Bidgoŝĉ) laŭ la vojo n-ro 247 kaj poste la vojo n-ro 241 (averaĝa tempo de la veturado 1 h.)

Aviadile: la Flughaveno de Poznano / Poznań (ĉirkaŭ 60 km)

Veturhoraro:

Polskie Koleje Państwowe

Rozkład jazdy autobusów PKS Poznano / Poznań

Rozkład jazdy autobusów PKS Sp. z o.o. w Pile (en Piła)

Karakteristiko

La Distrikton de Wągrowiec karakterizas:

riĉa historio de la Wągrowiec-regiono estas koncize ligita kun la cistercianoj, kiuj multe influis progreson de tiu regiono. la naturbeleco, la riĉaĵo de la lagoj kaj arbaroj la grandpolia iniciatemo forta kulturregiono - Pałuki (Paŭuki) transpreno de du turismaj itineroj: de la Piastoj kaj la Cistercianoj plena municipa infrastrukturo oportunaj kondiĉoj por investado fama pola gastameco

Loĝantaro (datumoj por 30-a de junio 2005):

Entute Virinoj Viroj
Homoj  % Homoj  % Homoj  %
Ĉie 67460 100 34121 50,6 33339 49,4
En urboj 31721 100 16425 51,8 15296 48,2
En vilaĝoj 35739 100 17696 49,5 18043 50,5


EKSTERLANDA KUNLABORO

Ĝemelaj urboj, distriktoj kaj komunumoj[redakti | redakti fonton]


EKSTERLANDA KUNLABORO

La Wągrowiec-distrikto kaj ĝiaj respektivaj komunumoj subskribis la partnerec-kontrakton kun la distrikto Lüneburg (legu: Lineburg) en la Malsupra Saksio en Germanio. La distriktoj interŝanĝas siajn spertojn pri la municipa nivelo kaj kunlaboras en la sferoj: kultura, sporta, turista kaj socia. Kaj jen la partneroj el Germanio kaj de aliaj landoj:

La Wągrowiec-distrikto - la Lüneburg-distrikto (Germanio); la Regiono Czerwonoarmijski (Ĉervonoarmijskij) (Ukrainio) La urbo Wągrowiec - la urboj: Adendorf i Schönwalde (legu: Ŝenvalde) (Germanio); Gyula (legu: Dĵulo) (Hungario); Krasnogorsk (Rusio); [[Le Plessis-Trévise]] (Francio) La Damasławek-komunumo (Damasŭavek) - la Dahlenburg-komunumo (Dalenburg) (Germanio); la Oirschot-komunumo (Nederlando) La Gołańcz-komunumo (Goŭanjĉ) - la Asocio por Flegado de Internaciaj Rilatoj Allendorf (Lumda - Germanio); la Ilmenau-komunumo (Germanio); la Kamyk-komunumo ĉe Veltavo (Ĉeĥio) La Skoki-komunumo - la Bardowick-komunumo (Bardovik) (Germanio); la Drechterland-komunumo (Nederlando) La Mieścisko-komunumo (Mjeŝcjisko) - la De Bilt-komunumo (Nederlando); Retiers-komunumo (Francio); la Scharnebeck-komunumo (Germanio) La Wapno-komunumo (Vapno) - la Amelinghausen-komunumo (Amelinghaŭzen) (Germanio)



KONTAKTO

Distrikta Oficejo str. Kościuszki 15 62-100 Wągrowiec Tel.: +48 67 2680500 Fakso: +48 67 2627888 horoj de la malfermo: lundo 08:00-16:00 mardo - vendredo 07:30-15:30 Ret-adreso: powiat@wagrowiec.pl TTT-ejo: www.wagrowiec.pl


FOTARO: