Dua Libro

El Vikipedio, la libera enciklopedio
Saltu al: navigado, serĉo

La Dua Libro estis eldonita de L. L. Zamenhof komence de 1888. Dato de la cenzura aprobo: 18-a de januaro de 1888. Ĝi estis verkita nur en Esperanto kaj havis la jenan titolon:

D-ro Esperanto
Dua Libro de l' Lingvo Internacia
Kajero n-ro 1, kosto 25 kopekoj
Varsovio, 1888

Tiu ĉi broŝuro (50 paĝoj) devis esti unua parto de libro, enhavonta kvin aŭ ses kajerojn, aperontajn dumonate dum 1888. Sed post la eldono de la unua parto, Zamenhof decidis ke la aliaj partoj ne plu estis bezonataj; anstataŭe li publikigis la Aldonon al la Dua Libro de la Lingvo Internacia.

En la antaŭparolo (16 paĝoj) la aŭtoro respondas publike al ĉiuj skribintoj, ne povante respondi aparte je diversaj demandoj, proponoj de reformoj en la lingvo ktp. Krome la libro enhavis tradukon de "La ombro" de Hans Christian Andersen, Popoldirojn, tradukojn de Hemza, Kanto de studentoj kaj tradukaĵojn el Heinrich Heine de K. D. (l. Privat, I p: 34-36. La tuta antaŭparolo en OV, p: 21--29.) Ivan Ŝirjaev.

Eksteraj ligiloj[redakti | redakti fonton]