Duonkoluma aremono

El Vikipedio, la libera enciklopedio
Saltu al: navigado, serĉo
Vikipedio:Kiel legi la taksonomionKiel legi la taksonomion
Duonkoluma aremono
Biologia klasado
Regno: Animaloj Animalia
Filumo: Ĥorduloj Chordata
Klaso: Birdoj Aves
Ordo: Paseroformaj Passeriformes
Familio: Emberizedoj Emberizidae
Genro: Arremon
Specio: A. semitorquatus
Arremon semitorquatus
(Swainson, 1837)
Konserva statuso
{{{220px}}}
Konserva statuso: Malplej zorgiga
Aliaj Vikimediaj projektoj
v  d  r
Information icon.svg

La Duonkoluma aremono (Arremon semitorquatus) estas specio de birdo de la familio de Emberizedoj kaj genro de Aremonoj. Tiu taksono estas konsiderata subspecio de la Nigrabeka aremono fare de kelkaj fakuloj.

Ĝi estas endemia de sudorienta Brazilo (Rio de Janeiro al Rio Grande do Sul). Ties natura habitato estas subtropikaj aŭ tropikaj humidaj arbaroj de malaltaj teroj kaj tre degraditaj iamaj praarbaroj.

Tiu aremonospecio montras tre nigrablankan kapobildon konsistantan el nigra ĝenerala koloro kun tre marlarĝa blanka superokula strio el la frunto al la kolflanko. Sub la blanka gorĝareo anstataŭ nigra brustozono estas du brustoflankaj grandaj nigraj makuloj (kio nomigas la specion kaj en la komuna nomo kaj en la latina scienca nomo), griza kolumo kaj blankecaj subaj partoj kun grizaj flankoj. La dorso estas olivverdeca. La kruroj estas rozkoloraj kaj la suba makzelo de la beko estas tre flava (kun nigra supra makzelo).

La Duonkoluma aremono estas tre simila al la Nigrabeka aremono sed neniam montras la flavan ŝultron de tiu specio nek ties kompletan brustozonon. La Duonkoluma aremono troviĝas sude kaj apude al la nomiga formo de la Nigrabeka aremono kiu diferencas en flankokoloro, makzela koloro, kaj pro la kompleta brustozono (sed La Duonkoluma aremono estas, excepte pro manko de flava ŝultro, pli simila laŭ plumaro al la nordaj formoj de la Nigrabeka aremono), krom ke ĝi okupas pli altajn habitatojn.

La voĉo komencas per fajnaj notoj “ciit” sekve de du longaj notoj de muzikeca kvalito, el kiuj la dua havas du silabojn.

Referencoj[redakti | redakti fonton]