Eŭbeo

El Vikipedio, la libera enciklopedio
Saltu al: navigado, serĉo
situo de Eŭbeo en Grekio

Eŭbeo (en la antikva greka lingvo Εὔβοια - Eúboia, en la moderna greka Εύβοια - Evia, esperanta nomo en tiu formo laŭ PIV) post Kreto estas la dua plej granda insulo de Grekio. Ĝi havas areon de 3.660 km² kaj dum la jaro 2005 havis proksimume 220.000 enloĝantojn. La insula centro estas la urbo Ĥalkida (Chalkida), krome ekzistas ankoraŭ vico da urbetoj, inter ili Karistos, Kimi, Psaĥna, Aliveri, Aidipsos kaj Limni. La insulo pere du pontoj estas ligita al la kontinento, unu el la du superpontas la tutmonde plej mallarĝan markolon de nur 40-metra larĝo. La insulo longas 175 kilometrojn kaj larĝas inter 6 ĝis 45 kilometrojn, do havas karakterize malrondan formon. Tra la tuta longo la insulo estas parto de montaro, kiu nordokcidente daŭriĝas en Tesalio kaj sude en la insuloj Andros, Tenos kaj Mikonos.

la preĝejo de Aliveri
kabo Paksimadhi


La insulo apartenas al la administra regiono Meza Grekio. Al la provinco Eŭbeo krom la ĉefa insulo apartenas ankaŭ la insulo Skiros, proksima parto de la kontinento kaj granda nombro da rokaj insuletoj. Oni supozas, ke Eŭbeo origine estis parto de la kontinenta parto de Grekio kaj pro tertremo dividiĝis de ĝi.

Eksteraj ligiloj[redakti | redakti fonton]