Eŭropa civitana iniciato

El Vikipedio, la libera enciklopedio
Saltu al: navigado, serĉo

La rajto je iniciato de eŭropaj civitanoj estas nova formo de rekta partopreno al la politiko de la Eŭropa Unio, entenata en la Traktato de la Eŭropa Unio sekve de la modifoj alportitaj per la Traktato de Lisbono. Ĝi ekvalidis la 1-an de aprilo de 2012 (pro elekto de la dato kelkaj skeptikuloj komparis ĝin kun unuaaprila ŝerco). La rajto konsistas el la eblo de civitanoj sugesti al la leĝofaraj institucioj de EU pri leĝofarado pri specifa temo kaj en preciza direkto. Temas pri la unua kazo de ebla malferma politika partopreno en supernacia instanco en Eŭropo.

Civitana iniciato pri Esperanto[redakti | redakti fonton]

Inter la unuaj proponintoj de eŭropa civitana iniciato estis Eŭropa Esperanto-Unio, kiu proponis rekomendon pri kantado de la eŭropa himno laŭ teksto en Esperanto verkita de Umberto Broccatelli.[1]La 30 majo 2012, la Eŭropa Komisiono respondas, dirante ke la propono ne falas ene de la povoj de la komisiono (kvankam ĝi diras alie sur la unua paĝo).[2]

Referencoj[redakti | redakti fonton]

  1. Civitana iniciato de Eŭropa Esperanto-Unio
  2. http://ec.europa.eu/citizens-initiative/public/documents/589

Eksteraj ligiloj[redakti | redakti fonton]