Ekspozicio

El Vikipedio, la libera enciklopedio
Saltu al: navigado, serĉo
Istanbul - Ekspozicio pri la koloroj en antikveco

Ekspozicio estas daŭra aŭ portempa publika elmontrado de objektoj (eksponaĵoj) al publiko.

La ekspozicio povas havi promocian, vendan aŭ dokumentan celon; ĝi povas esti daŭra, portempa aŭ cikla (ekz. bienalo; ĝi povas esti specifa, rilatante al nur unu kategorio de objektoj, periodo, aŭtoro ktp. aŭ ĝenerala aŭ kolektiva.

Celoj de ekspozicioj[redakti | redakti fonton]

Scienca ekspozicio en Phaeno Wolfsburg
La ĉefa pordego de Mondekspozicio en Parizo de 1900.

Ekspozicioj estas organizataj pro variaj celoj:

Kulturaj kaj didaktikaj celoj[redakti | redakti fonton]

  • prezentado de artaĵoj, arkeologiaj eltrovaĵoj, mineraloj, muzikiloj ktp (ekz. en muzeoartgalerio);
  • prezentado de historiaj, sociaj, natursciencaj aŭ ekonomiaj okazintaĵoj helpe;

Promociaj kaj informaj celoj[redakti | redakti fonton]

  • prezentado de urbo aŭ turisma regiono;
  • prezentado de activeco aŭ projektoj de publikaj administracioj, lernejoj aŭ firmaoj;

Komercaj celoj[redakti | redakti fonton]

  • elmontrado de la objektoj por aŭkcio;
  • elmontrado de industriaj aŭ/kaj agrikulturaj produktoj (foiro);
  • elmontrado de artaĵoj (komerca artgalerio);

Cifereca ekspozico[redakti | redakti fonton]

Dank'al interreto, nuntempe eblas okazigi la ekspoziciojn ne nur en reala mondo sed ankaŭ per taŭga retpaĝaro.

Ĉiuj specoj de ekspozicioj nomitaj supren estas realigeblaj ankaŭ enrete. La granda avantaĝo estas, ke ili estas viziteblaj senprobleme de la interesiĝantoj el la tuta mondo.