Ekstera ŝuldo

El Vikipedio, la libera enciklopedio
Rezervoj de valutoj kaj oro, minus la tuta ekstera ŝuldo (publika kaj privata), laŭ la datumoj de la jaro 2010 de la 'CIA Factbook'.

En ekonomio, la ekstera ŝuldo estas la tuto de la ŝuldoj, kiujn ŝuldas lando, Ŝtato, entrepreno kaj individuoj al eksterlandaj pruntistoj.

Gravas distingi inter la brutta ekstera ŝuldo (tio, kion lando eksterlande depruntas) kaj la neta ekstera ŝuldo (diferenco inter tio, kion lando eksterlande depruntas kaj tio kion ĝi eksterlande alpruntas). Kio plej signifikas estas la neta ekstera ŝuldo.

Tro alta nivelo de neta ekstera ŝuldo atestas pri alta landorisko: kaze de fluktuadoj de la nacia valuto, la sumo de la interezoj kaj de la pruntoj de la ekstera ŝuldo, se ĝi estas en eksterlanda valuto, povas fariĝi neelteneblaj.

La nivelo de la ekstera ŝuldo apartenas al la financaj riskoj taksataj de la agentejoj pri financa notado, tion oni povis konstati okaze de la greka krizo en 2010.

Neta ŝuldo kaj brutta ŝuldo

Ne konfuziĝu pro brutta ekstera ŝuldo (la tuto de la ŝuldataj financaj sumoj) kaj neta ekstera ŝuldo (tuto de la ŝuldataj financaj sumoj minus la tuto de la kreditoraĵoj, kiujn lando eksterlande posedas).

Financa krizo kaj krizo de la ekstera ŝuldo

Krizo de ekstera ŝuldo povas esti la konsekvenco de financa krizo, kiam tia krizo kondukas al forta devaluto de la loka valuto. Por ekzemplo, la krizo de la greka publika ŝuldo en 2010 estas konsekvenco de la financa krizo en 2007-2010.

Pagnekapablo

Kiam lando rifuzas pagi sian eksteran ŝuldon, ĝi fariĝas en pagonekapablo. Tiu decido ĝenerale estigas fidofalon de la publikaj kaj privataj kreditoroj, kiuj tiel ne plu volos konsenti al tiu lando novan alprunton kaj investi en tiu lando. La nekapablo pagi la ŝuldon eble tuj plibonigas la situacion (ĉesigante la repagfluojn), sed ĝi povas pligravigi la ekonomian situacion de la lando ĉe longa tempolimo. Tamen se oni konsideras la du lastajn ekzemplojn (Meksikio, Argentino) tio plibone profitis al ili.

Ekzemploj de pagonekapabloj :

Helpo

La landoj kiuj suferas gravan ekonomian krizon povas ricevi helpon de Internacia Monunua Fonduso (IMF).

Tamen, IMF ĝenerale kondiĉigas siajn pruntojn al strukturaj reformoj, kiam ili estas necesaj, tiuj estas supozataj faciligi, laŭ ĝi, la ekonomian rekreskon kaj la fidon de la eksterlandaj investistoj (neniigo de la publikaj monopoloj per privatigo…) ; por privilegii la prioritatajn elspezojn (edukado, aĉeto de medikamentoj), ĝi kelkfoje instigas al provizora frostigo de la salajroj de la ŝtatoficistoj[1]. Tamen tio havas katastrofajn konsekvencojn en la tre malriĉaj landoj kiaj estas plej multaj afrikaj landoj (Ŝuldo de la tria mondo).

Listo de la landoj laŭ ekstera ŝuldo

Listo de la landoj laŭ brutta ekstera ŝuldo

Tiu listo estas tiu de la landoj klasitaj laŭ brutta ekstera ŝuldo', en Julio 2009, en dolaroj, je la oficiala kurzo.

Tie estas la 24 landoj kies brutta ekstera ŝuldo estas la plej alta. La sumo de ĉiuj bruttaj eksteraj ŝuldoj ne estas nula : ĝi altas je 53 970 miliardoj da dolaroj en 2004 ; temas pri la bruttaj sumoj de la ŝuldo.

Nacioj laŭ brutta ekstera ŝuldo[2]
Rango Lando Brutta ekstera ŝuldo
(miliardoj da dolaroj)
brutta ekstera ŝuldo por persono
(dollars)
1 Usono 13 450 43 781
2 Unuiĝinta Reĝlando 9 088 148 708
3 Germanio 5 208 63 258
4 Francio 5 021 78 382
5 Nederlando 3 733 223 319
6 Italio 2 578[3] 44 352
7 Hispanio 2 410 59 469
8 Irlando 2 287 544 109
9 Japanio 2 132 16 777
10 Luksemburgo 1 994 4 054 700
11 Svislando 1 339 176 081
12 Belgio 1 313[4] 122 331
13 Aŭstralio 920 43 268
14 Kanado 833 24 899
15 Aŭstrio 809 98 523
16 Svedio 669 73 855
17 Hong Kong 631 89 453
18 Danlando 607 110 426
19 Grekio 553 51 483
20 Norvegio 548 117 604
21 Portugalio 507 47 348
22 Rusio 369 2 636
23 Finnlando 365 69 501
24 Ĉinio 347 259

Havi tre altan bruttan ŝuldon por loĝanto (Luksemburgo : $ 4054700, Monako : $ 546034) ne devige estas la signo de ekonomiaj problemoj: la brutta ŝuldo povas esti ekvilibrigita per ankoraŭ pli altaj kreditoraĵoj; lando povas tiel prosperi ke ĝi allogas eksterlandajn investantojn.

Listo de la landoj laŭ neta ekstera ŝuldo

Landoj klasitaj laŭ neta ekstera ŝuldo', en dolaroj.

Komparo de la eksteraj ŝuldoj de la eŭrozono kaj de Usono

Fine de 2009, la brutta ekstera ŝuldo de la eŭrozono altis je 10500 miliardoj da eŭroj, ĉirkaŭ 117% de la BEP (Brutta Enlanda produkto) de la eŭrozono[5].

En Julio 2009, la brutta ekstera ŝuldo de Usono altis je 13450 miliardoj da usonaj dolaroj (vidu sube), ĉirkaŭ 120% de la BEP. La neta ekstera ŝuldo altis je iomete pli ol 2500 miliardoj da dolaroj[6].

Kio plej gravas estas la netaj eksteraj ŝuldoj (diferencoj inter la eksterlandaj depruntoj kaj alpruntoj).

Notoj kaj referencoj

  1. Vidi paĝon 163 : Bulteno de IMF Septembro 2007. la retpaĝo de IMF.
  2. angle CIA World Factbook - Rank Order - Debt - external. CIA. Alirita 29-a de marto 2010.
  3. Fonto: FMI.
  4. Fonto: FMI.
  5. Eŭropa Centra Banko, Gazetarsciigo de la 20-a de Aprilo 2010
  6. Ekstera ŝuldo de Usono, fontoj Datastream, Natixis

Vidu ankaŭ