El Escorial (Madrido)

El Vikipedio, la libera enciklopedio
Saltu al: navigado, serĉo
El Escorial en la Madrida Regiono.

El Escorial esperantigita kiel Eskorialo estas municipo de la Madrida Regiono (Hispanio), apartenanta al la Gvadarama Baseno. Ĝi situas en la nordokcidento de la regiono, ĉe la suda flanko de la Gvadarama Montaro, je 46 kilometroj de la urbo Madrido. Ĝi estas populare nomata El Escorial de Abajo (Malsupra Eskorialo), por distingi ĝin de la najbara loĝloko San Lorenzo de El Escorial, kiu siaflanke ricevas la nomon El Escorial de Arriba (Supra Eskorialo).

Ĝi limas norde kun San Lorenzo de El Escorial, kiu ĉirkaŭas ĝin ankaŭ okcidente, kune kun Robledo de Chavela kaj Zarzalejo. Sudokcidente aperas Navalagamella kaj sude, Valdemorillo, Kolmenareĥo kaj Galapagar.

En ĝia teritorio estis starigita, en la 16-a jarcento, la fama Monaĥejo de El Escorial. Tamen, nuntempe ĝi troviĝas en San Lorenzo de El Escorial, municipo estigita du jarcentojn poste, kiel apartiĝo de El Escorial. La tialo de tiuj nomoj kaj konfuza situacio devenas el la tempo kiam la reĝoj malpermesis konstrui domojn ĉe la monaĥejo kiu kunhavis la nomon kun tiu ĉi vilaĝo. Poste oni permesis konstrui domojn ĉe la monaĥejo kiuj formis novan vilaĝon kiu jam ne povis nomiĝi El Escorial kaj devis ricevi novan San Lorenzo de El Escorial. Tiele El Escorial (monaĥejo) ne estas en El Escorial (vilaĝo), sed en San Lorenzo de El Escorial.