Elena Lucrezia Cornaro Piscopia
Elena Lucrezia Cornaro Piscopia (25-an de junio 1646 en Venecio - 26-an de julio 1684 Venecio) estis itala filozofino kaj instruistino. Ŝi ricevis kiel unua virino la doktoran titolon.
Biografio
Piscopia estis filino de prokuratoro de Venecio. Ŝi estis instruata pri klasikaj kaj modernaj lingvoj same pri "liberaj artoj". Ŝi malatentis la frivolecon de la venecia komunumo kaj jam fruaĝe aliĝis al la benediktanoj, kie ŝi demetis ordenan solenan promeson. Piscopia en 1677 havis publikan disputon en la Universitato de Paduo. Ŝi volis sin dedcixi tute al la sciencoj. Lia patro klopodis akirigi por ŝi doktoran titolon en la Universitato de Paduo pri teologio, sed tio komence ne sukcesis (virino devas silenti en preĝejo kaj tiel ŝi ne povas ricevi instrupermeson). Fine oni permesis al ŝi promocii pri filozofia temo. Ŝi ricevis la doktoran titolon la 25-an de junio 1678 kiel unua virino de la mondo.
Ŝi plenumis la sekvajn ses jarojn per verkado, studado kaj publikaj prelegoj kaj diskutoj. Ŝi mortis en aĝo de 38 jaroj, verŝajne je krankoulcero.