Eppe-Sauvage

Eppe-Sauvage
Eppe-Sauvage
	;
Administrado
Statuso	Komunumo
Lando	Francio
Regiono	Nordo-Kaleza Markolo
Departemento	Nord
Arondismento	Avesnes-sur-Helpe
Kantono	Trélon
Urbestro	S-ino Viviane Desmarchelier; 2008-2014
Poŝtkodo	59132
Kodo laŭ INSEE	59198
Demografio
Loĝantaro	218 (1999)
Loĝdenso	13 loĝ./km2
Geografio
Koordinatoj	50°07′13″N 4°10′45″O / 50.12028°N, 4.17917°OKoordinatoj: 50°07′13″N 4°10′45″O / 50.12028°N, 4.17917°O
Alto	172 m - 257 m
Areo	16,67 km²
Horzono	UTC +1 (+2 somere)

Eppe-Sauvage estas franca komunumo lokita en la departemento Nord kaj en la regiono Nordo-Kaleza Markolo. Ĝi havis 218 loĝantojn laŭ censo plenumita en 1999.

Ĝi estas trafluata de la rivero Helpe Majeure.

[redakti] Geografio

Eppe-Sauvage estas unu el la vilaĝoj lokitaj ĉirkaŭ la urbeto Fourmies. Ĝi situas en la norda parto de natura regiono nomita Thiérache, inter la landlimo de Belgio kaj la departemento Aisne.

La vilaĝo Eppe-Sauvage troviĝas proksime de la urbeto Avesnes-sur-Helpe, kaj do cetere situas en alia natura regiono nomita "Avesnois", kiu ĉefe konsistas el malaltaj heĝoj, tre verdaj pejzaĝoj, boskoj, fruktarbaroj kaj etaj vilaĝoj. Eppe-Sauvage etendiĝas sur 16,67 km².

[redakti] Vidindaĵoj

En Eppe-Sauvage viziteblas la preĝejo Saint-Ursmar kaj la kapelo Linières. La "kastelo de Willies" aŭ "kastelo Cavrois" estis fakte eksa forĝejo, kiu estis detruita okaze de la konstruado de la akvobaraĵo de Val Joly.

[redakti] Lokaj famuloj

S-ro Gilbert Tilmant (1921-2006) longdaŭre restis urbestro de Eppe-Sauvage, ekde 1977 ĝis 2001.

[redakti] Administrado

Eppe-Sauvage apartenas al la kantono de Trélon, kies ĉefurbo estas Trélon. Tiu kantono mem estas parto de la arondismento de Avesnes-sur-Helpe, unu el la 6 arondismentoj de la departemento Nord.