Erbach (Odenwald)

Ĝemelurboj
	Ansião • Jičín • Königsee • Le Pont-de-Beauvoisin • Le Pont-de-Beauvoisin • Königsee vd

	Erbach
Erbach (Odenwald) (Germanio)
ĉefurbo de distrikto en Germanio • rezidejo • urba komunumo de Germanio
Ĝemelurboj
	Ansião • Jičín • Königsee • Le Pont-de-Beauvoisin • Le Pont-de-Beauvoisin • Königsee vd
Administrado
Federacia lando	Hesio
Distriktaro	distriktaro Darmstadt
Distrikto	distrikto Odenwald
Urborajtoj	jes
Telefona antaŭkodo	06062
Poŝtkodo	64711
Aŭtomobila kodo	ERB
Oficiala Municipokodo	06437006
Politiko
Komunumestro	Peter Traub (senpartia)
Adreso de la administrejo	Neckarstr. 3; 64711 Erbach
Demografio
Loĝantaro	13977 (stato 2022-12-31) [fonto: landa statistika oficejo]
Geografio
Geografia situo	49° 39′ N, 9° 0′ O (mapo)49.6569444444448.9930555555556Koordinatoj: 49° 39′ N, 9° 0′ O (mapo)
Alto super la marnivelo	250 m
Areo	62,67 km²
Oficiala retejo	http://www.erbach.de/
	v • d • r

Erbach estas historioplena urbeto en centra Germanio - en triangulo inter la urboj Darmstadt nordokcidente, Aschaffenburg nordoriente kaj Heidelberg sudokcidente. Fine de la jaro 2022 ĝi havis 13977 loĝantojn. La urbo estas la administra sidejo de la distrikto Odenwald kaj situas en la distriktaro Darmstadt de la federacia lando Hesio.

Ĉiuflanke ĉirkaŭas ĝin la arbaroriĉaj montoj de la mezmontaro Odenwald. La same historia najbara urbeto Michelstadt troviĝas norde en distanco de malpli ol du kilometroj.

Divido[redakti | redakti fonton]

La komunumo konsistas el la 12 partoj

urboparto	areo	loĝantoj	notoj
Bullau	9,98 km²	410	kun la vilaĝeto Eutergund
Dorf-Erbach	4,08 km²	1.610	kun la vilaĝeto Habermannskreuz
Ebersberg	3,59 km²	250
Elsbach	3,01 km²	120
Erbach	10,89 km²	8.410	kun la vilaĝeto Roßbach
Erbuch		130
Erlenbach	4,28 km²	900
Ernsbach		110
Günterfürst	4,08 km²	760
Haisterbach	5,88 km²	420	kun la vilaĝeto Marbach
Lauerbach	2,27 km²	400
Schönnen	5,53 km²	320

Vidindaĵoj[redakti | redakti fonton]

ĉevala kurejo
grafa kastelo, parka flanko
administrejo de la distrikto
monumento de grafo Franz la 1-a antaŭ la kastelo

Erbach havas pitoreskan malnovan urbon kun multaj mezepokaj trabfakaj domoj. Speciale menciindas la

Kastelo de la grafoj de Erbach-Erbach[redakti | redakti fonton]

La malnova grafa kastelo de Erbach fakte estas trabfaka, kaj impona malfrubaroka fasado nur dum la unuaj jaroj de la 20a jarcento aldoniĝis - la fasado konsistas el papermaĉaĵo, ligno kaj metalo kaj nur ŝajnigas ŝtonaron. En la kastelo troviĝas valoregaj kolektaĵoj de artefaktoj, komencantaj dum la romia epoko ĝis la 19-a jarcento. - Belaj civitanaj domoj kadrigas la placon antaŭ la kastelo, kiun supervidas statuo de la lasta reganta grafo de Erbach, Franz la Unua, kaj vidalvide de la kastela konstruaĵo estas same malfrubaroka oranĝejo kaj kastela parko. Dum 2005 la registaro de la federacia lando Hesio aĉetis la kastelon kaj la kolektaĵojn de la grafa familio Erbach-Erbach kontraŭ 13 milionoj da Eŭroj; la plej apuda etaĵo de la kastelo restis posedaĵo kaj loĝejo de la grafa familio.

Ĉevala kurejo kaj foirejo[redakti | redakti fonton]

Iom oriente de la urbocentro troviĝas ĉevala kurejo kaj foirejo, sur kiu dum junio okazas la popola festo Wiesenmarkt [Viznmakt]. Ankoraŭ meze de la 20a jarcento ĝi estis grava merkato por bovoj kaj ĉevaloj, nun dominas relative kostaj amuziloj. Tamen dum la cetera jaro kompreneble ankaŭ aliaj aranĝoj okazas tie, lastatempe ekzemple historieca mezepoka merkato.

Eburo en Erbach[redakti | redakti fonton]

Franz la Unua, la lasta reganta grafo de Erbach (1754-1823), tre subtenis la skulptadon el eburo, kaj allogis multajn skulptistojn loĝi kaj labori en la urbo, ankaŭ dum la postaj jarcentoj. Dum 1966 malfermiĝis ebura artomuzeo en Erbach, kiu estas unika en Eŭropo. En la urbo daŭre eblas spekti lokajn artistojn dum skulpado de eburo, eĉ se dum la lastaj jardekoj kornoj de aliaj bestoj pli kaj pli anstataŭigis la elefantan eburon, ekde 1989 komplete.

Por familioj[redakti | redakti fonton]

Dum somero, kompreneble eblas travagi la vastajn arbarojn ĉirkaŭ la urbo. En la valo Brudergrund tri kilometrojn okcidente de la urbocentro ekzistas senkosta bestoparko, kie spekteblas cervoj, aproj kaj aliaj lokaj arbaraj bestoj. En la valo, eblas bone bicikli aŭ rulsketi sur la ebenaj vojoj paralelaj al la rivereto Mümling. Al banado invitas la loka subĉiela banejo Alexanderbad, sed ankaŭ ok kilometrojn sude de la urbocentro la artefarita lago Marbachstausee [Mabaĥŝtaŭze] - la akvo puras, ĉe la bordo estas vastaj herbejoj por kuŝado, kaj ankaŭ tie ĉi neniu postulas enirprezon. Krome en Michelstadt-Würzberg, oriente de la urbocentro de Erbach, ekzistas aventura grimpejo. Dum vintro, en Michelstadt, du kilometrojn de Erbach, ekzistas hala banejo kaj granda subtegmenta infana ludejo.