Ernest Walton

El Vikipedio, la libera enciklopedio
Ernest Walton
Nobel-premiito
Persona informo
Ernest Thomas Sinton Walton
Naskonomo Ernest Thomas Sinton Walton
Naskiĝo 6-an de oktobro 1903 (1903-10-06)
en Abbeyside,  Unuiĝinta Reĝlando de Granda Britio kaj Irlando
Morto 25-an de junio 1995 (1995-06-25) (91-jaraĝa)
en Belfasto
Tombo Deans Grange Cemetery vd
Religio Metodismo vd
Lingvoj angla vd
Ŝtataneco IrlandoUnuiĝinta Reĝlando de Granda Britio kaj IrlandoIrlanda Libera Ŝtato vd
Alma mater Trinity College • Methodist College Belfast • Kolegio Triunuo • Cookstown High School vd
Memorigilo Ernest Walton
Familio
Edz(in)o Winifred Walton vd
Profesio
Okupo fizikisto • universitata instruisto vd
Laborkampo fizikonuklea fizikopartikla fiziko vd
Doktoreca konsilisto Ernest Rutherford vd
vd Fonto: Vikidatumoj
vdr

Ernest Thomas Sinton WALTON (6-an de oktobro 1903, Dungarvan, grafan Waterford, Irlando25-an de junio 1995, Belfasto, Norda Irlando) estis irlanda fizikisto, kiu ricevis Nobel-premion pri fiziko en 1951- kun la angla Siro John Douglas Cockcroft – por konstruo de la unua nuklea ciklotrono (Cockcroft–Walton-generatoro).

Li studis en la belfasta Methodist College, poste en la dublina Trinity College matematikon kaj eksperimentajn natursciencojn (1926). Li laboris ekde 1927 en la kembriĝa Trinity College kun Cockcroft ĝis 1934 en la Laboratorio Cavendish, sub gvido de Lordo Rutherford.

Li provis en 1928 du korpusklo-akceladan metodon, kiuj estis uzataj pli poste en la betatrono kaj linearaj ciklotronoj. La eksperimentoj ne sukcesis sen konvenaj teknikaj konoj kaj ekipaĵoj. Cockcroft kaj Walton planis en 1929 novan ciklotronon. Ili detruis en 1931 per protonoj litiajn atomkernojn.

Post kiam li akiris Ph.D.-gradon en Kembriĝo, li revenis en 1934 al la dublina Trinity College, kies membro li estis dum 40 jaroj.

Li estis inter 1946 kaj 1974 profesoro Erasmus Smith pri natur- kaj esplorsciencoj. Li estis ekde 1952 gvidanto de la kosmofizika instituto de la dublina Institute for Advanced Studies.