Eschwege

Eschwege
Administrado
Statuso	Urbo
Lando	Germanio
Regiono	federacia lando Hesio
Distriktaro	Kassel
Distrikto	Werra-Meißner
Ĝemelurboj	St.-Mandé (FR), Mühlhausen (DE), Regen (DE)
Poŝtkodo	37269
Aŭtokodo	ESW
Telefona antaŭkodo	+49-5651
Kodo laŭ AGS	06636003
Demografio
Loĝantaro	21.004
Loĝdenso	332 loĝ./km2
Geografio
Koordinatoj	51°11′N 10°4′O
Alto	211 m
Areo	63,27 km²
Horzono	+1

Eschwege [Eŝvege] estas germana urbo en la nord-okcidento de Hesio. Ĝi estas administra sidejo de la distrikto Werra-Meißner. La urbo situas borde de la rivero Werra. Fine de la jaro 2011 la komunumo havis 19805 loĝantojn.

Blazono

La blazono de Eschwege montras sur ruĝa fono arĝentan kastelon kun du turoj pint-tegmentaj. Inter la turoj ŝvebas verda fraksena branĉeto kun tri folioj (la germana vorto Esche signifas "frakseno").

Partneraj urboj

• St.-Mandé en Francio
• Mühlhausen (Turingio) en Germanio
• Regen (Bavario) en Germanio
• Montpellier en Francio

Arkitekturo

Eschwege konservis mezepokan urbocentron kun kohera trabfaka domaro. Krome ekzistas jenaj vidindaj konstruaĵoj:

la urbodomo

• Preĝejo "St. Katharina" en kvartalo Neustadt
• Bazareja preĝejo "St. Dionys"
• Eschweger Landgrafenschloss, kastelo, sur kies turo ĉiuhore aperas mekanika trumpetisto, nomata Dietemann, maskoto de la urbo
• Hochzeitshaus ("geedziĝa domo", burĝa domo de 1578)
• Schulberg (Cyriakusberg), monteto kun turo "Karlsturm"
• Nikolaa Turo (eksa kirka turo de 1455)
• Bismarck-a Turo sur monteto "Leuchtberg" oriente de la urbo (de 1903)
• Schäferhalle (pavilono sur la okcidenta deklivo de Leuchtberg)
• Eksa sinagogo, nuna nov-apostola kirko
• Hospitala Kapelo
• Monaĥejo, sidejo de bierfarejo "Eschweger Klosterbrauerei"

Situo en Germanio

Esperanto-vivo

En Eschwege okazis la 29-a Internacia Seminario dum la jarŝanĝo inter 1985 kaj 1986. En la urbo ekzistas loka asocio de esperantistoj.

En Eschwege vivas Rüdiger Sachs.

Eksteraj ligiloj

    Oficiala retejo

• old timber framing in Eschwege