Vikipedio en Esperanto
| Vikipedio en Esperanto | |
|---|---|
 |
|
 |
|
| Retadreso | eo.wikipedia.org |
| Kategorio | Vikipedio (libera reta enciklopedio) |
| Lingvo | esperanta |
| Posedanto | Fondaĵo Vikimedio |
| Statistikoj | |
| je 02/06/2012 | |
| Artikolnombro | 165 164 |
| Paĝoj | 359 579 |
| Redaktoj | 4 358 062 |
| Uzantoj | 66 518 |
| Aktivaj uzantoj | 513 |
| Administrantoj | 21 |
| Dosieroj | 9 210 |
La Vikipedio en Esperanto, parto de la Internacia Vikipedio, estas libera enciklopedio. Ĝi estis fondita la 6-an de novembro 2001 de Chuck Smith kaj nuntempe enhavas 165 164 artikolojn.
Enhavo |
[redakti] Historio kaj statistiko
En decembro 2001, Smith laboris kun Jerry Muelver kaj Stefano Kalb por fari bazan vikipedion de 139 artikoloj. La Esperanto-Vikipedio publikiĝis je la 2-a de januaro 2002 kun pli ol 300 paĝoj. Unu jaron post fondiĝo ekzistis 51 vikipediistoj, dudek el ili "tre aktivaj" (pli ol cent redaktoj monate). Komune ili produktis 4.200 artikolojn.
En januaro 2008, la statistiko menciis entute 860 vikipedianojn, el ili 41 tre aktivaj, kiuj produktis komune 94.000 artikolojn. 76 % el la artikoloj havis pli ol duonan kilobajton, kio estas alta, sed ne treege. En junio 2008 la Vikipedio atingis la nombron de 100.000 artikoloj kaj havis lokon 20 inter la diversaj lingvoj.
Por omaĝi la 10-jariĝon de la Vikipedio en Esperanto en 2011, Pavla Dvořáková (estrarano de Ĉeĥa Esperanto-Asocio) kunlabore kun E@I okazigis de la 26-a ĝis la 30-a de oktobro en Svitavy (Ĉeĥio) la unuan esperantistan Vikimanion - unikan internacian renkontiĝon de esperantistaj vikipediistoj kaj interesiĝantoj pri Vikipedio.
[redakti] Graveco por la lingvo
La du plej gravaj enciklopediecaj verkoj en Esperanto traktas nur Esperanton: Enciklopedio de Esperanto (fakvortaro el 1934) kaj Esperanto en perspektivo (manlibro el 1974). Pri ceteraj temoj ekzistis kaj ekzistas multaj fakaj revuetoj kaj ankaŭ Scienca Revuo, sed ne enciklopedio. Tial Vikipedio estas la unua vera enciklopedio pri ĝeneralaj temoj en Esperanto kaj signifas grandan paŝon antaŭen por la Esperanto-komunumo.
Grava teksto-donaco konsistas el la Enciklopedio el 1934. Kelkaj libro-aŭtoroj permesis uzis preni tekstojn el konkreta libro, same la magazino Monato. Plejparte la tekstoj tamen estiĝas per tradukado el nacilingvaj vikipedioj kaj posta redaktado.
Esperanto-organizaĵoj ne kontribuas, sed subtenas Esperanto-Vikipedion diversmaniere, ekzemple disponigas ĉambrojn dum renkontiĝoj por informado kaj trejnado. Dum la UK 2008 en Roterdamo okazis du vikipediaj kunvenoj kaj prelego dum la Esperantologia Konferenco. UEA, EEU kaj E@I subtenis Esperanto-informilon.
[redakti] Dekjariĝo
Solena prelega kaj muzika programo omaĝe al dekjariĝo de la Vikipedio en Esperanto okazis vendrede la 28-an de oktobro 2011 en kultura salonego de la Domo de Ottendorfer en Svitavy (Ĉeĥio) kadre de la aranĝo Esperanta Vikimanio. Sekve la fondinto Chuck Smith faris toston en la Esperanto-muzeo troviĝanta en teretaĝo de la domo. La dekjariĝan solenaĵon partoprenis proksimume 66 personoj, inkluzive de Miroslav Malovec, esperantisto kaj fondinto de la Ĉeĥa Vikipedio, kaj David Šimek, urbestro de Svitavy.
[redakti] Galerio
-
Chuck Smith dum Wikimania-renkontiĝo, 2007
-
Vikipedio dum UK 2008
-
Informilo pri Vikipedio en Esperanto, 2008
[redakti] Vidu ankaŭ
[redakti] Eksteraj ligiloj
- Vikipedio en Esperanto
- Vikipedio en Esperanto - baldaŭ dekjara (artikolo de Chuck Smith en Libera Folio)
|
||||||||||||||
