Esperanto-Asocio por Filipinoj
El Vikipedio
La lasta reviziita versio (montri ĉiujn) estis aprobita je 1 Dec. 2012.
ŝablonaj/bildaj ŝanĝoj atendas kontrolon.
La Esperanto-Asocio por Filipinoj estas la grupiĝo de esperantistoj en la insularo de la pacifika ŝtato Filipinoj, fondita en 2006. Ĝi kunordigiĝas fare de la sciencistino d-ino Lydia Liwanag, kiu estas docentino en la publika altlernejo Filipina Normala Universitato (Philippine Normal University) en Manilo. En 2006 la Komisiono de Universala Esperanto-Asocio pri la Azia Esperanto-Movado (KAEM) sendis la nepalanon Bharat Kumar Ghimire por plurmonata restado al la Filipinoj por informi pri la internacia lingvo kaj instrui ĝin - en la reta bulteno "Esperanto en Azio" (septembro 2006) li detale taglibre informis pri siaj spertoj kaj atingoj. Tiu prelegaro kaj kursaro konsideriĝas la komenco de konsiderinda Esperanto-movado en la lando.
Eksteraj ligiloj [redakti]
kontaktaj informoj pri EAF en la retejo de UEA- artikolo en la ĵurnalo "Esperanto sub la Suda Kruco", eldono majo-junio 2007, paĝoj 14-15 (pdf-dosiero)
Vidu ankaŭ [redakti]
- pri pli fruaj ĝermoj de esperantista agado en la lando (1901-1934) la artikolon Esperanto-movado en Filipinoj, baze el la Enciklopedio de Esperanto (1934)
