Estrio

El Vikipedio, la libera enciklopedio
Saltu al: navigado, serĉo
Mapo de Kebekio indikante Estrion

Estrio (franclingve Estrie) estas administra regiono de Kebekio, en la sudo de la provinco. Ĝi ampleksas 10 209,4 km² kaj en 2006 havis loĝantaron de 298 779. Ĝia plej granda urbo estas Ŝerbruko.

Estrio similas al (kaj fakte prenas sian nomon de) la tradicia regiono Orientaj Kantonoj (Cantons de l'Est, Eastern Townships); tamen tiu lasta inkluzivas la regionajn municipojn de La Haute-Yamaska kaj Brome-Missisquoi, en la administra regiono Montereĝio.

Estrio lokiĝas sud-oriente de Montrealo apud la usona landlimo (ŝtatoj de Vermonto, Nov-Hampŝiro kaj Majno); la grava anglalingva rurala kulturo en Estrio multe konektiĝas kun la kulturo de la nordo de tiuj ŝtatoj, kaj fakte plurajn urbetojn duonigas la kanada-usona landlimo (ekzemple Rock Island (Kebekio)/Derby Line (Vermonto)).

La angla lingvo havas profondajn radikojn en la regiono, pro setlado fare de lojalistoj fuĝintaj la Usonan Revolucion - la nomo Orientaj Kantonoj venas el la bien-lotado per la brita kantona sistemo anstataŭ la franca senjora sistemo. Tamen, anglalingvanoj estas minoritato, kvankam pli grava ol en aliaj kebekiaj regionoj, kaj la ĉefa lingvo estas la franca.

Turismo estas gravega industrio en Estrio, pro la belaj kamparaj pejzaĝoj de montetoj kaj lagoj. Pluraj vilaĝoj proponas feriojn en kamparaj domoj. Tri kebekiaj naciaj parkoj troviĝas en Estrio: la parkoj Mont-Mégantic, Mont-Orford kaj Frontenac.

Agrikulturo ankaŭ gravas, aparte la acera siropo.

Subdividoj[redakti | redakti fonton]

Regionaj municipoj (municipalités régionales de comté, MRC)

  • MRC de Coaticook
  • MRC du Granit
  • MRC du Haut-Saint-François
  • MRC du Val-Saint-François
  • MRC des Sources
  • MRC de Memphrémagog

Sendependa urbo

Gravaj urboj[redakti | redakti fonton]

Flago de Kebekio Administraj regionoj de Kebekio

01: Malsupra Sankt-Laŭrencio | 02: Saganio–Sankt-Johan-Lagio | 03: Kebek-regiono | 04: Maŭricio
05: Estrio | 06: Montrealo | 07: Otavio | 08: Abitibio-Temiskamingio | 09: Nord-Bordio | 10: Nord-Kebekio
11: Gaspegio–Magdalena Insularo | 12: Ŝodierio-Apalaĉio | 13: Lavalo | 14: Lanodierio | 15: Laŭrentidio
16: Montereĝio | 17: Centro-de-Kebekio