Etnismo (revuo)

El Vikipedio, la libera enciklopedio
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.
Etnismo
Kovrilpaĝo de Etnismo, 2016, n-ro 97
Kovrilpaĝo de Etnismo, 2016, n-ro 97
periodaĵo
Speco informilo pri etnaj problemoj
Periodeco 2- aŭ 3-foje jare

Redaktisto Nicole Margot
Establodato 10 Majo 1972
Prezo 5 EUR

vdr

Etnismo estas revuo de la Internacia Komitato por Etnaj Liberecoj (IKEL), kiu informas pri etnoj el la tuta mondo, ties problemoj, sed ankaŭ etnorilatajn informojn netroveblajn aliloke. En la revuo troviĝas informoj pri ekzemple la statuso de malplimultaj lingvoj, tiklaj etnaj situacioj (ekzemple tiu de la kurdoj kiuj vivas en kvar diversaj landoj[1]), teritoriaj reformoj kaj tiel plu. Fine de la revuo estas aktualaj informoj pri agadoj de IKEL kiel ekzemple prelegoj pri la asocio dum kongresoj. Nombro de malnovaj numeroj estas senpage legeblaj sur la arkiva paĝo de la retejo etnismo.org

Historio[redakti | redakti fonton]

La unua numero de Etnismo aperis la 10-an de majo 1972. Ĝia unua redaktoro estis Uwe Joachim Moritz, ekde 1999 temas pri Nicole Margot.

Etnismo laŭ IKEL[redakti | redakti fonton]

La fundamenta idea dokumento de la Internacia Komitato por Etnaj Liberecoj (IKEL) estas la Deklaracio por etnista humanismo. Ĉi tia etnismo konsideras sin ne-naciisma. Ĝi inklinas al la etnofederaciismo de Héraud, kiu siaflanke pledis por Esperanto kiel interetna lingvo en la alstrebita etnofederacia sistemo. Ĝi ĝenerale akcentas la kulturan sinasertadon de etnoj pli ol la politikan. La esperantista etnismo-varianto emfazas la potencialon de Esperanto kiel faktoro por la protektado de etnaj lingvoj.

Referencoj[redakti | redakti fonton]

  1. Kurdoj, kroma "neekzistanta" popolo, Etnismo, nro 6, 1-6-1974 , p. 14-15, (PDF),

Vidu ankaŭ[redakti | redakti fonton]

Eksteraj ligiloj[redakti | redakti fonton]

  • (multlingva) Oficiala retejo de Etnismo : etnismo.org
  • Arkivo de aperintaj numeroj de Etnismo.
  • Jutubo : Esperanto-gazetoj tra la tuta mondo : internaciaj gazetoj pri diversaj temoj (senligile pro rajtoj).