Fülöpszállás

Fülöpszállás (fulopsAlAŝ) estas vilaĝo kun titolo vinvilaĝo en Hungario, en regiono Suda Ebenaĵo, en departemento Bács-Kiskun, en subregiono de Kiskőrös. La loknomo signifas: Filipotranoktejo.

Kalvinana preĝejo de Fülöpszállás

Bazaj informoj

• Areo: 91 km²
• Loĝantaro: 2500
• Poŝtkodo: 6085
• Telefonprefikso: 78

Situo

Fülöpszállás situas sur ebenaĵo, laŭ fervojo Budapeŝto-Beogrado, (krome estas fervojeto al Kecskemét), laŭ ĉefvojo Fülöpszállás-Kecskemét.

Historio

Antaŭ la hungaroj avaroj loĝis tie. Kumanoj alvenis en 1124. Tiam la vilaĝo nomiĝis Buzgánszállás. Laŭ la onidiro Filipo estis episkopo, kiu post la tatara invado en 1241 alvenis por kristanigi la kumanojn. Dum la turka erao la regiono senhomiĝis, la loĝantoj loĝis nur en urboj, ekzemple en Nagykőrös, Kecskemét, Szeged, Szabadka. Post la turkoj senfina serio de farmoj formiĝis, ĉar el la urboj la kamparanoj ne povis kulturi la teron kaj bredadi bestojn. En 1882 la fervojo atingis la nunan vilaĝon.

Vidindaĵoj

• baroka kalvinana preĝejo de 1750
• baroka katolika preĝejo
• vilaĝdomo de 1908

Famuloj

• en Fülöpszállás naskiĝis operokantisto András Faragó