Alena Esperanto-Kulturpremio

Transdono de la FAME-premio al Aleksander Korĵenkov (2010).

La Alena Esperanto-Kulturpremio (germane: Esperanto-Kulturpreis der Stadt Aalen und der Fame-Stiftung für internationale Verständigung) ankaŭ konata kiel FAME-premio estas premio donacita de Alois Meiners en 1988 por distingi antaŭenirojn pri internacia kompreniĝo. Ĝi estas dotita per 3.000 €.

La premio estis unuafoje aljuĝata en 1990 kaj (ĝenerale) en du-jara ritmo. Ĝi estas solene transdonata enkadre de la festo de la Kulturpremio, organizita de FAME, de Esperanto-Grupo Alena kaj subtenata de la urba administracio en la urba biblioteko de Aalen (Aleno), kie estas la sidejo de Germana Esperanto-Biblioteko.

Historio

Premiado 2008:
Ed Borsboom, la direktoro de la premiita IEI, dankas pro la premiado per transdono de freŝa eldonaĵo de la instituto.

En 1988 Alois Meiners starigis FAME-fondaĵon por subteni "interkompreniĝon inter la popoloj, evoluhelpon, sciencon kaj esploradon, junularon kaj kulturon" . Grava kaj plej konata aktivado de la fondaĵo estas la du-jara aljuĝo de premio.

Aalen estis elektita kiel urbo por transdoni la premion pro la favora sinteno de la urbo al Esperanto danke al bonaj rilatoj de Esperanto-Grupo Alena kaj ties prezidanto Karl Heinz Schaeffer kun la urba administrado sub urbestro Ulrich Pfeifle. Pro tiu kunlaboro jam en 1989 Germana Esperanto-Biblioteko venis en urbon Aalen.

Premiitoj

• 2012 - Floréal Martorell
• 2010 - Aleksander Korĵenkov kaj Halina Gorecka (geedza paro)
• 2008 - Internacia Esperanto-Instituto
• 2006 - Interkultura Centro Herzberg
• 2004 - Kajto (muzikgrupo)
• 2002 - ADORU (Adolf Burkhardt, Bernhard Eichkorn kaj Albrecht Kronenberger)
• 2000 - William Auld
• 1998 - Marjorie Boulton
• 1996 - Fonto (eldonejo)
• 1994 - Heroldo de Esperanto kaj Spomenka Štimec (2 premiitoj)
• 1993 - Richard Schulz kaj Bruno Vogelmann (2 premiitoj)
• 1991 - Ito Kanzi
• 1990 - Kultura Centro Esperantista

Eksteraj ligiloj

    Oficiala retejo de FAME