FA-Pokalo
| FA-Pokalo | ||
| ||
| national association football cup | ||
|---|---|---|
| Lando | Unuiĝinta Reĝlando (Britio) | |
| Fondita en | 1800 | |
| En TTT | Oficiala retejo vd | |
La FA-Pokalo aŭ longe anglalingve Football Association Challenge Cup de la Futbala Asocio (FA) de Anglio estas la plej granda ĉiujara pokala konkurso inter futbalaj teamoj de Anglio. Krom ĝi la Futbala Asocio de Anglio ankaŭ organizas la tutsezonan konkurson de la "Unua Ligo" (angle FA Premier League), la plej alta el pluraj ligoj, en kiu konkursas la plej bonaj teamoj de la lando. Ĉar en la FA-Pokalo partoprenas futbalaj teamoj de ĉiuj ligoj, povas esti, ke teamo el suba ligo (do teorie pli malbona) venkas teamon el alta ligo kaj tiel surprize gajnas konkursajn poentojn.
La FA-Pokalo estas la unua futbala konkurso de la mondo, kaj intertempe laŭ tre similaj reguloj kopiiĝis en multaj landoj.
La teamo gajnanta la FA-Pokalon kvalifikigas sin por la unua parto de la UEFA-Pokalo. Se ĝi jam kvalifikiĝis por la Ligo de Ĉampionoj (angle Champions League), la dua plej bona teamo el la matĉoj de la FA-Pokalo kvalifikiĝas por la UEFA-Pokalo. Kaze ke ambaŭ tiuj plej bonaj teamoj de la FA-Pokalo jam kvalifikiĝis por la Ligo de Ĉampionoj, la anglia teamo por la UEFA-Pokalo elkalkuliĝas laŭ la tabeloj de la "Unua Ligo" de la Futbala Asocio de Anglio.
La trofeo[redakti | redakti fonton]
La bildo dekstre montras la kvaran ekzempleron de la trofeo, kiu de la jaro 1992 ĉiujare doniĝas al la venkinta teamo. Laŭ aspekto ĝi samas al la tria ekzemplero de la jaro 1911.