Fairbanks (Alasko)

El Vikipedio, la libera enciklopedio
Saltu al: navigado, serĉo

Fairbanks estas la dua plej granda urbo en la usona ŝtato Alasko post Anchorage kun 33.400 loĝantoj kaj la plej granda urbo en la interno de Alasko. Fairbanks situas ĉe la rivero Chena (Chena River), norde de la rivero Tanana (Tanana River) kaj estas la administra sidejo de la Fairbanks North Star Borough.

La urbo estis fondita de or-serĉantoj el Klondike en 1902 kaj nomita laŭ Charles W. Fairbanks, senatoro el Indiano, poste vicprezidento sub Theodore Roosevelt. Fairbanks rapide fariĝis la plej granda urbo de Alasko (nuntempe Anchorage estas pli granda).

Dum la dua mondmilito ekestis du bazoj por la usona armeo. Unu (Fort Wainwright) ekzistis ankoraŭ dum la malvarma milito pro la proksimeco de Alasko al la iama Sovetunio kaj donis labor-eblecojn al la loĝantoj de la urbo.

Fairbanks estas la fina stacio de la Alaska Railroad, la sola fervoja linio en Alasko.

En Fairbanks troviĝas la Universitato de Alasko Fairbanks (University of Alaska Fairbanks).

Eksteraj ligiloj[redakti | redakti fonton]