Faka Esperanto-vortaro: Inversa Vortaro
El Vikipedio
(Alidirektita el Faka Esperanto-vortaro : Inversa Vortaro)
Inversa Vortaro ordigas la vortaran materialon ne laŭ la vorto-komenco, sed laŭ la vorto-fino. Tiel oni trovas ekzemple sub la litero M jenajn vortojn:
gram /o
diagram /o
tefigram /o
organigram /o
ideogram /o
radiogram /o
encefalogram /o
ktp.
Inverse, t.e. de la vortfino, ordigitaj vortaroj pro tio helpas:
- trovi rimojn (kp. rimvortaroj)
- studi (pseŭdo-) sufiksojn
- studi kunmetitajn vortojn (ekz. kun "maŝino", bor-, kudro- ktp.)
- trovi referencojn por difino-vortaroj (ekz. de monogamio al poligamio kaj inverse).
[redaktu] Inversaj Vortaroj en Esperanto
- rimoj-vortaroj, ekz. Joseph Rhodes. Vortaro de Eperantaj Rimoj, Keighley 1905, represo 1984 ĉe eldonejo Artur E. Iltis, Saarbrücken
- Klaus Schlüter. Inversa Vortaro (IV). Nurenbergo 1972. (Surbaze de la 6a eld. de la Plena Vortaro kaj ties Suplemento)
- Bernhard Pabst. Inversa Vortaro de Esperanto (IVE). Paderborn 1989. (Surbaze de la 1a eld. de Plena Ilustrita Vortaro 1970 kaj de ties Suplemento 1987).
