Federacia Respubliko Germanio
Federacia Respubliko Germanio (germane Bundesrepublik Deutschland) estas la nomo de germana ŝtato, laŭ la konstitucio akceptita post la Dua mondmilito, je la 23-a de majo 1949. Koncerne ĝian teritorion necesas distingi inter du periodoj en la germana historio:
- Ĝis antaŭ la 3-a de oktobro 1990 ĝi ampleksis la dek federaciajn landojn Baden-Virtembergo, Bavario, Bremeno, Hamburgo, Hesio, Malsupra Saksio, Nordrejn-Vestfalio, Rejnlando-Palatinato, Sarlando, Ŝlesvigo-Holstinio. Sarlando aliĝis nur en 1957 post plebiscito en 1955. La okcidentaj sektoroj de Berlino havis apartan statuson.
- Je la 3-a de oktobro 1990 la teritorio de Germana Demokratia Respubliko aliĝis al la "federacia teritorio", formiĝis la novaj federaciaj landoj Berlino, Brandenburgio, Meklenburgo-Antaŭpomerio, Saksio, Saksio-Anhalto kaj Turingio. La antaŭaj limoj restis kiel provincaj limoj.
La nomo de la ŝtato foje estas mallongigita al FRG (germane: BRD); la federacigermanoj precipe antaŭ la unuiĝo malaprobis tiun mallongigon, kiu estis sentata kiel ĵargono de GDR.