Feiko Munniksma

Feiko Munniksma
Persona informo
Naskiĝo	31-an de majo 1915 (1915-05-31)
Morto	27-an de aprilo 1990 (1990-04-27) (74-jaraĝa)
Lingvoj	Esperanto • nederlanda
Ŝtataneco	Reĝlando de Nederlando
Okupo
Okupo	esperantisto • ekonomikisto

Feiko MUNNIKSMA (naskiĝis la 31-an de majo 1915 en Groningen, mortis la 27-an de aprilo 1990 en Annen, Nederlando ) estis la ĉefredaktoro de Internacia Komerca-Ekonomika Vortaro, unu el la plej imponaj terminaroj iam kompilitaj per Esperanto.

Li krome tradukis tri tekstojn de Leo Polak. Ĉiuj estis eldonitaj de Cercle Esperantiste de l'Agenais "Laute!" ; SAT-Broŝurservo:

• La Senco de l' morto, 1982.
• Unueco super prokreda dividiĝo, 1983.
• Naturleĝo, pensoleĝo, morala leĝo, 1984.

Dum la dua mondmilito li agadis en la nederlanda rezisto kontraŭ la germana okupacio, i.a. per eldono de la kontraŭgermana revuo De vonk (La sparko) kaj donante rifuĝejon al personoj serĉataj de la nazioj. Pro tio li estis arestita la 27-an de novembro 1942 kaj kondamnita al trijara enkarcerigo en la prizono de Rheinbach.

Li ankaŭ verkis Pensoj kaj protestoj libro de poezio originala, eldonejo Perspektivo. Kopenhago 1984. Japanstilaj poemoj kaj adekvataj ilustraĵoj.

Eksteraj ligiloj

• Libroj kaj aliaj dokumentoj de kaj pri Feiko Munniksma en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine
• Artikoloj de kaj pri Feiko Munniksma en Elektronika Bibliografio de Esperantaj Artikoloj (EBEA)