Fiŝaglo
El Vikipedio
 |
||||||||||||||
|---|---|---|---|---|---|---|---|---|---|---|---|---|---|---|
 Nordamerika fiŝaglo pretiĝas kapti ĉasaĵon
|
||||||||||||||
| Biologia klasado | ||||||||||||||
|
||||||||||||||
| Konserva statuso | ||||||||||||||
|
|
||||||||||||||
| Pandion haliaetus (Linnaeus, 1758) |
Fiŝaglo aŭ pandiono (Pandion haliaetus) vivas ĉie, kie estas kvietaj kaj travideblaj akvoj: maro, lagoj, riveroj, kun fiŝoj sufiĉaj grandaj. Tie la fiŝaglo serĉas siajn predojn. Ĝi manĝas preskaŭ ekskluzive nur fiŝojn.
La fiŝaglo troviĝas en ĉiuj kontinentoj krom Antarkto. En Sud-Ameriko ĝi tamen ne nestas, sed Nord-Amerikaj birdoj migras tien por travintri.
Enhavo |
[redakti] Aspekto
Ĝi grandas 50-57 cm, la dorsa flanko estas malhela, la ventra flanko estas pure blanka. Sur ĝia brusto videblas malforta horizontala strio.
Ĝia kapo estas blanka, la ĉirkaŭokulo estas nigra, sur ĝia kolnuko videblas mallongaj plilongiĝintaj plumoj. Ĝia flugilo estas longa, svelta. Suba parto de la flugilo estas blanka, kun etaj nigraj makuloj. Sur la vosto videblas krucaj strioj.
La fiŝaglo ŝvebflugas super la akvo kaj ekvidinte fiŝon falegas en la akvon, per kruroj antaŭen. ĝi kaptas la predojn per la ungegoj. Ĝi ripozas sur formortintaj arboj, rokoj, proskime al akvoj.
[redakti] Reproduktado
Ĝi konstruas grandan neston sur arbo aŭ klifo de kie ĝi povas observi ĉirkaŭe. La ino kovas tri aŭ kvar ovojn dum kvin semajnoj.
[redakti] Subspecioj
Kvar subspecioj estas konataj:
- P. h. haliaetus en Eŭropo kaj Azio
- P. h. carolinensis en Ameriko
- P. h. ridgwayi en Antiloj
- P. h. cristatus en Aŭstralio kaj Indonezio
[redakti] Eksteraj ligiloj
http://natureit.net/site/saaksikamera.php Reta fotilo montras neston de fiŝaglo sur la insulo Seili en Sudokcidenta Finnlando. La birdo konstruis sian neston sur navigacia signalturo. Kelkaj fotoj en minuto dum la nesta sezono en majo–julio.- http://kotinetti.suomi.net/saaksi/index.php Alia simila nestofotilo proksime al Oulu, Finnlando
