Ĝermolisto de hidraŭliko

En tiu ĉi artikolo estas ĝermoj pri Hidraŭliko. Movu unufrazajn artikolojn pri Hidraŭliko en tiun ĉi paĝon, metante alidirektilon. Se vi volos igi iun ĝermon en apartan artikolon, faru tion per aldono de minimumaj informoj.

A

Akceleblo

Akceleblo estas inversa valoro de kontraŭakcela rezisto.

Aksa piŝta hidraŭmotoro

Aksa piŝta hidraŭmotoro - Rotacia hidraŭmotoro, kies piŝtoj estas paralelaj aŭ klinitaj al la rotaci-akso je angulo malpli granda ol 45°.

Aksa piŝta hidraŭmotoro kun klinita bloko

Aksa piŝta hidraŭmotoro kun klinita bloko - Rotacia hidraŭmotoro, ĉe kiu la piŝto-paŝoj estas determinitaj per kliniĝo de akso de cilindro-bloko al la akso de movdona ŝafto.

Aksa piŝta hidraŭmotoro kun oblikva disko

Aksa piŝta hidraŭmotoro kun oblikva disko estas hidraŭmotoro, ĉe kiu estas la piŝto-aŝoj determinitaj per kliniĝo de disko al la akso de cilindro-bloko.

Akumulilo de likvo

Akumulilo de likvo - Hidraŭla elemento, destinita por akumulado de likvo.

Alterna fluo

Alterna fluo estas fluo, kies direkto cikle ŝanĝiĝas.

Ambaŭflanka hidraŭlocilindro

Ambaŭflanka hidraŭlocilindro - Hidraŭlomotoro, kies elira membro trairas ambaŭ cilindro-kovrilojn.

Apartigilo

Apartigilo - Purigilo de likvo, en kiu malpuraĵoj estas forigataj per efiko de eksteraj fortoj.

Aŭtomata likvo-distribuo

Aŭtomata likvo-distribuo - Distribuo de likvo, ĉe kiu la kunigado de laborspaco de hidraŭstatika konvertilo kun la premspaco, eventuale kun la forflua spaco, dependas de grandeco de premo en la laborspaco.

B

Brems-valvo

Brems-valvo estas regata stringvalvo destinita por reguligo de flu-kvanto forfluanta el la hidraŭlocilindro por bremsi la movon de ties piŝto.

Ĉ

Ĉefa kondukilo

Ĉefa kondukilo estas kondukilo, tra kiu likvo fluas el pumpilo aŭ akumulilo al hidraŭmotoro.

D

Dentrada hidraŭmotoro

Dentrada hidraŭmotoro - Hidraŭmotoro, kies geometrian volumenon prezentas la spaco inter dentoj de reciproke endentiĝantaj dentradoj kaj la korpo, en kiun la dentradoj estas enmetitaj.

Dinamika rezisto

Dinamika rezisto - Rezisto kontraŭ transigo de premenergio dum samtempa ŝanĝo de flu-kvanto, enhavanta kombinojn de rezistoj kontraŭmova, kontraŭakcela kaj kontraŭdeforma.

Duaga hidraŭcilindro

Duaga hidraŭcilindro - Hidraŭmotoro, ĉe kiu la elira membro estas movata pere de alkondukata likvo ambaŭdirekte.

E

Elira kondukilo

Elira kondukilo aŭ elflua kondukilo estas kondukilo, tra kiu fluas likvo el cirkvitero.

Enira kondukilo

Enira kondukilo, Alflua kondukilo - Kondukilo, tra kiu fluas likvo en cirkviteron.

Enmeta hidraŭla regelemento

Enmeta hidraŭla regelemento - Hidraŭla regelemento konstruita por enmeti ĝin en valvoblokon, en kiu por ĉiu tiuspeca hidraŭelemento estas pretaj laŭnormaj boraĵoj. Laŭ cirkvito-skemo ili estas konektitaj per kanaloj.

F

Fermita hidraŭcirkvito

Fermita hidraŭcirkvito estas hidraŭcirkvito, en kiu la ĉefa kvanto de likvo transdoninte la energion revenas en eniran kanalon de pumpilo.

Filtrilo

Filtrilo - Cirkvitero, per kiu oni malgrandigas enhavon de malpuraĵoj en substanco.

Flu-dividilo

Flu-dividilo - Regelemento dividanta flu-kvanton en du aŭ plurajn branĉojn preskaŭ sendepende de la premdiferenco.

Flu-karakterizaĵo

Flu-karakterizaĵo - Evoluo de dependeco de fluo je premdiferenco.

Flu-kvanto

Flu-kvanto - Kvociento de la volumeno de trafluinta likvo por koncerna tempo.

Flu-rendimento

Flu-rendimento - Transigo de flu-kvanto en konstantigita stato.

G

Gasa hidraŭakumulilo

Gasa hidraŭakumulilo estas hidraŭakumulilo, en kiu energio estas akumulita en la premita gaso.

Geometria volumeno

Geometria volumeno - Volumeno de laborspaco de hidraŭstatika konvertilo, konforma al unu piŝto-paŝo aŭ rivoluo.

Gravita apartigilo

Gravita apartigilo - Apartiga purigilo, en kiu malpuraĵoj sedimentas per efikado de gravito.

Ĝ

Ĝenerala rendimento

Ĝenerala rendimento - Entuta transigo de povumo en konstantigita stato.

H

Helpa hidraŭcirkvito

Helpa hidraŭcirkvito - Cirkvito destinita por plenumi helpajn taskojn (ekz. malvarmigadon, purigadon de likvo, ktp.)

Helpa kondukilo

Helpa kondukilo - Kondukilo servanta por konekti cirkviterojn al la ĉefa kondukilo.

Hidraŭakumulilo

Hidraŭakumulilo - Akumulilo de likvo, en kiu la likvo estas sub pli granda ol atmosfera premo, servanta plej ofte por akumulado de la premenergio.

Hidraŭekipaĵo

Hidraŭekipaĵo - Kelkaj hidraŭelementoj grupigitaj en memstara kompleto kaj plenumantaj kombinitajn funkciojn.

Hidraŭla logika elemento fluida

Hidraŭla logika elemento fluida - Hidraŭelemento, en kiu estas neniaj moveblaj solidaj konsistaĵoj kaj en kiu estas por realigo de logika funkcio uzata deklinado de la ĉefa likvo-fluo pere de laŭbezone konektataj regantaj flu-radioj en konvene aranĝita kanal-sistemo.

Hidraŭla movilo

Hidraŭla movilo - Parto de hidraŭla meĥanismo destinita por movdonado al meĥanismoj kaj maŝinoj.

Hidraŭla regelemento kun subplato

Hidraŭla regelemento kun subplato - Hidraŭla regelemento, kies ĉiuj kanaloj eliras el unu ebena faco, per kiu ĝi estas muntita sur subplaton, kies aperturoj kongruas kun la elirejoj de la kanaloj. Al la subplato estas konektitaj ĉiuj necesaj tubkondukiloj.

Hidraŭla regelemento por bateria muntado

Hidraŭla regelemento por bateria muntado estas hidraŭla regelemento por bateria muntado.

Hidraŭla servovalvo

Hidraŭla servovalvo estas plurŝtupa hidraŭla amplifilo.

Hidraŭla sistemo

Hidraŭla sistemo estas grupigo de hidraŭlaj cirkvitoj.

Hidraŭle regata hidraŭstatika konvertilo

Hidraŭle regata hidraŭstatika konvertilo - Regebla hidraŭstatika konvertilo, kies geometria volumeno estas ŝanĝebla pere de likvo-efikado.

Hidraŭlostatika movilo

Hidraŭlostatika movilo - Hidraŭla movilo utiliganta plejparte premenergion de likvo.

Hidraŭstatika transmisiilo

Hidraŭstatika transmisiilo - Hidraŭmeĥanismo servanta por atingi postulatan movo-frekvencon.

Hidraŭstatika transmisiilo kun povum-disbranĉigo

Hidraŭstatika transmisiilo kun povum-disbranĉigo - Transmisiilo, en kiu estas unu parto de energio transigata pere de likvo, kaj la alia mekanike inter la firmaj partoj de hidraŭstatikaj konvertiloj.

Hidro-

Hidro- - Scienca prefikso signifanta "hidrogeno en kombinaĵo"

I

Interna permeablo

Interna permeablo - Inversa valoro de interna rezisto.

J

Juntado

Juntado - Kunigado de du pecoj tiel, ke ili formu unu funkcikapablan tuton.

Juntenzo

Juntenzo - Hermetiga materialo junt-age aktiva, ekz. kaŭĉuko, asbesto, fibraĵo k.a. (en hidraŭliko)

K

Kombine regata hidraŭstatika konvertilo

Kombine regata hidraŭstatika konvertilo - Regebla hidraŭstatika konvertilo, kies geometria volumeno estas ŝanĝebla per du aŭ pli da metodoj, ekz. elektre-hidraŭle k.s.

Kondukilo

Kondukilo estas elemento, servanta por kondukado de fluanta likvo aŭ gaso.

Konstanta hidraŭstatika transmisio

Konstanta hidraŭstatika transmisio estas transmisio kun konstanta transmisia rilatumo.

Konstantigita fluo

Konstantigita fluo estas fluo en konstantigita stato. (Vidu ankaŭ en nekonstantigita fluo.)

Kontinue regata hidraŭlocirkvito

Kontinue regata hidraŭlocirkvito - Cirkvito regata per kontinua signalo.

Kontraŭakcela rezisto

Kontraŭakcela rezisto - Propreco de hidraŭloelemento ŝanĝi premenergion je energio kineta kaj male.

Kontraŭdeforma rezisto

Kontraŭdeforma rezisto estas propreco de hidraŭloelemento ŝanĝi premenergion je deforma energio.

Kontraŭmova rezisto

Kontraŭmova rezisto estas propreco de hidraŭelemento ŝanĝi premenergion je varmenergio.

Kranvalvo

Kranvalvo (krano) - Valvo, kies aktiva membro estas konuso aŭ cilindro aŭ globo, kun traflua aperturo. La aktiva membro baras la trafluon per sia turniĝo je angulo 90°.

Kresta valoro

Kresta valoro - La plej granda valoro de la grando aperanta dumlabore; ĝia efiko estas tempe limigita.

L

Laborspaco

Laborspaco - Limigita spaco en hidraŭelemento, en kiu okazas la transformado de energio.

Laborŝovo

Laborŝovo - Ŝovo realiganta teknologian operacion.

Lamenara filtrilo

Lamenara filtrilo - Traflua filtrilo, en kiu malpuraĵoj estas kaptataj dum trafluo tra mallarĝaj interspacoj en la filtra korpo, konsistanta el maldikaj lamenoj.

Likpermeablo

Likpermeablo - Inversa valoro de kontraŭlika rezisto.

Likimuna elemento

Likimuna elemento - Elemento servanta por likimunigo de juntoj pere de sia elasteco aŭ deformeblo. Oni distingas elementojn por likimunigo de moveblaj juntoj (manumoj, likimunigaj ŝaftringoj) kaj de nemoveblaj juntoj (juntringoj kaj diversformaj juntplatoj el juntenzoj).

Linearigita permeablo

Linearigita permeablo - Inversa valoro de linearigita rezisto.

Linearigita rezisto

Linearigita rezisto - Rezisto rilatigita al certa punkto de flu-karakteriza kurbo, konforma al tangento de la devia angulo de la tanĝanto tuŝanta la kurbon en la koncerna punkto.

M

Maksimuma valoro

Maksimuma valoro - La plej granda permesita valoro de la grando.

Mekana-hidraŭla servovalvo

Mekana-hidraŭla servovalvo estas servovalvo, kies enira signalo estas mekanika devio.

N

Nekonstantigita fluo

Nekonstantigita fluo estas fluo en transira stato. (Vidu ankaŭ en konstantigita fluo.)

Neregata hidraŭcirkvito

Neregata hidraŭcirkvito - Cirkvito, en kiu nek la premo, nek la flu-kvanto estas regebla.

Nombro de ŝovrapidumoj

Nombro de ŝovrapidumoj estas nombro de elekteblaj ŝovrapidoj.

P

Padela duonturna hidraŭmotoro

Padela duonturna hidraŭmotoro estas hidraŭmotoro, kies elira membro povas rotacie moviĝi en amplekso malpli granda ol 180°.

Paŝmova hidraŭmotoro

Paŝmova hidraŭmotoro - Hidraŭmotoro, kies elira membro moviĝas intermite rektlinie aŭ rotacie.

Pezaĵa hidraŭakumulilo

Pezaĵa hidraŭakumulilo - Hidraŭakumulilo, en kiu energio estas akumulita en formo de potenciala energio de pezaĵo.

Pilotata direkta valvo

Pilotata direkta valvo estas direkta valvo hidraŭle regata, kunigita kun elektre regata pilotvalvo.

Piŝta hidraŭakumulilo

Piŝta hidraŭakumulilo - Hidraŭakumulilo, en kiu la premo estas transmisiata sur la likvon pere de piŝto.

Piŝta hidraŭmotoro

Piŝta hidraŭmotoro estas rotacia hidraŭmotoro, kies geometria volumeno estas formata per relativa moviĝo de piŝtoj en cilindroj.

Pneŭmata-hidraŭla servovalvo

Pneŭmata-hidraŭla servovalvo estas servovalvo, kies enira signalo estas premo aŭ premdiferenco de gaso.

Pora filtrilo

Pora filtrilo - Traflua purigilo, en kiu malpuraĵoj estas kaptataj dum trafluo tra pora materialo, ekz. tra enmetaĵo el kunbakita metalpulvoro k.s.

Premdiferenco

Premdiferenco - Diferenco de premoj en la fludirekto inter du lokoj de la sama kondukilo aŭ hidraŭelemento.

Premenergio de likvo

Premenergio de likvo - Ekvivalento de laboro, kies valoron oni determinas per la produto de flu-kvanto kaj premo de likvo.

Prem-karakterizaĵo

Prem-karakterizaĵo - Evoluo de dependeco de premo je flu-kvanto.

Prem-rendimento

Prem-rendimento - Transigo de premo en konstantigita stato.

Pulsanta fluo

Pulsanta fluo - Fluo, kies grandeco cikle ŝanĝiĝas.

R

Radiala piŝta hidraŭmotoro

Radiala piŝta hidraŭmotoro estas hidraŭmotoro, kies piŝtoj estas perpendiklaj aŭ klinitaj al la rotaci-akso je angulo pli granda ol 45°.

Rapidkupla fitingo

Rapidkupla fitingo - Elemento ebliganta rapidan kuplon kaj malkuplon de du partoj de kondukilo (hoso), sen uzo de helpiloj aŭ ilaro. En malkuplita stato ĝi malebligas elfluon de likvo aŭ gaso el la kondukilo.

Rega hidraŭcirkvito

Rega hidraŭcirkvito - Cirkvito destinita por transdonadi premenergion al regado.

Rega kondukilo

Rega kondukilo - Kondukilo servanta por transigi informojn.

Reta filtrilo

Reta filtrilo estas traflua filtrilo, en kiu malpuraĵoj estas kaptataj sur reta (teksaĵa) vando.

Regata likvo-distribuo

Regata likvo-distribuo estas distribuo de likvo, ĉe kiu la kunigado de laborspaco de hidraŭstatika konvertilo kun la premspaco, eventuale kun la forflua spaco, estas regata en firma ligo kun rotor-turniĝo.

Rezervujo

Rezervujo - Akumulilo de likvo, en kiu la likvo estas sub la atmosfera premo.

Risorta hidraŭakumulilo

Risorta hidraŭakumulilo - Hidraŭakumulilo, en kiu energio estas akumulita en deformita risorto.

Rotacia hidraŭlomotoro

Rotacia hidraŭlomotoro - Hidraŭlomotoro kun rotacie movata elira membro.

Rotacia prem-multiplikilo

Rotacia prem-multiplikilo - Prem-multiplikilo konsistanta el hidraŭmotoro kaj pumpilo, kies ŝaftoj estas firme kuplitaj.

S

Saka hidraŭakumulilo

Saka hidraŭakumulilo estas hidraŭakumulilo, en kiu la premo estas transmisiata sur la likvon pere de sako el elasta hermeta materialo.

Senaga ŝovo

Senaga ŝovo - Ŝovo, dum kiu oni realigas helpan operacion.

Servomeĥanismo regata per variigo de geometria volumeno

Servomeĥanismo regata per variigo de geometria volumeno estas hidraŭla servomeĥanismo, kies elira grando estas reguligata per ŝanĝo de geometria volumeno de pumpilo aŭ de hidraŭmotoro, eventuale de ambaŭ konvertiloj.

Subplato

Subplato - Apartenaĵo de hidraŭla regelemento, sur kies supran facon oni muntas regelementon, sur la malsupran, eventuale ankaŭ sur du flankajn, estas konektitaj koncernaj tubkondukiloj.

Ŝ

Ŝovo

Ŝovo estas cikle ripetebla, formita relativa movo, destinita por fari parton de donita teknologia procedo.

Ŝovofrekvenco

Ŝovofrekvenco - Nombro de ŝovoj okazintaj dum tempunuo.

Ŝovrapido

Ŝovrapido - Distanco, kiun ŝovata objekto (maŝinparto, instrumento) trairas dum tempunuo.

Ŝraŭba hidraŭmotoro

Ŝraŭba hidraŭmotoro - Hidraŭmotoro, kies geometria volumeno estas formata per spaco inter kaneloj de reciproke enreliĝantaj ŝraŭboj kaj korpo, en kiun la ŝraŭboj estas enmetitaj.

Ŝraŭbuma tubjuntilo kun juntila ŝraŭbingo

Ŝraŭbuma tubjuntilo kun juntila ŝraŭbingo estas tubjuntilo, kiu por alfikso de tubo uzas juntilan ŝraŭbingon.

Ŝraŭbumo

Ŝraŭbumo - Ŝraŭbkanelo kaj ŝraŭbrelo komune kiel tuto.

Vidu ankaŭ jenon: ŝraŭbaĵo

T

Teleregata valvo

Teleregata valvo estas pilotata premvalvo, kies unua ŝtupo estas teleregata.

Traflua filtrilo

Traflua filtrilo - Purigilo de likvo, en kiu malpuraĵoj estas kaptataj dum trafluo tra tralasiva (permeabla) vando.

Transigo de movo-frekvenco

Transigo de movo-frekvenco - Rilatumo de elira kaj enira movo-frekvencoj.

Transigo de povumo

Transigo de povumo - Rilatumo de elira kaj enira povumoj, produto de transigoj de flu-kvanto kaj de premo.

Transigo de premo

Transigo de premo - Rilatumo de elira kaj enira premoj en hidraŭelemento, ekipaĵo aŭ sistemo.

U

Unuaga hidraŭcilindro

Unuaga hidraŭcilindro - Hidraŭmotoro, ĉe kiu la elira membro estas movata pere de alkondukata likvo nur en unu direkto.

Unudirekta fluo

Unudirekta fluo estas fluo, kies direkto en ŝanĝiĝas.

Unuflanka hidraŭcilindro

Unuflanka hidraŭcilindro - Hidraŭcilindro, kies elira membro trairas nur unu cilindro-kovrilon.

V

Variigebla hidraŭstatika transmisio

Variigebla hidraŭstatika transmisio - Transmisio, kies transmisia rilatumo estas ŝanĝebla.

Varmigilo

Varmigilo estas varmotransigilo destinita por alkondukado de varmo en likvon.

Volumena akcelo

Volumena akcelo estas ŝanĝo de flu-kvanto dum tempunuo.