Fiorentino

Fiorentino
Administrado
Lando	San-Marino
Poŝtkodo	SM-47897
Telefona antaŭkodo	el Italio kaj Vatikano: 0549, el aliaj landoj: +378
Demografio
Loĝantaro	2245
Loĝdenso	342 loĝ./km2
Geografio
Koordinatoj	43°55′N 12°27′O
Alto	490 m
Areo	6,57 km²

Fiorentino [akvaviva] estas municipo ("kastelo") de San-Marino. Ĝi havas areon de 6,57 km² kaj, laŭ takso de 2006, 2245loĝantojn. Situante sude en la lando ĝi limas al la municipoj Chiesanuova, San-Marino, Borgo Maggiore, Faetano kaj Montegiardino kaj kun la italaj municipoj Monte Grimano kaj Sassofeltrio (provinco Pesaro e Urbino).

Ĝia blazono montras tri florojn (fior[e] = floro en la itala lingvo).

Komence de la 11-a jarcento Fiorentino apartenis al la grafoj de Carpegna, poste ĝi transiris en la posedon de dinastio Malatesta. En 1463 ĝi estis konkerita de San-Marino, kiu aneksis ĝin kun la konsento de papo Pio la 2-a kaj detruis ĝian kastelon por eviti, ke ĝin reakiru la Malatest-anoj.

Ekzistas du futbalaj kluboj: S. P. Tre Fiori (tri floroj) kaj F. C. Fiorentino.