Flavbeka pufino
El Vikipedio
Flavbeka pufino estas birdo el procelariedoj.
Ĝi estas grandkorpa (ĉ. 46 cm), grizbruna pufino.
La flavbeka pufino estas iomete pli malgranda ol granda pufino, sed kun pli larĝaj flugiloj. Ĝia dika beko estas flava, la korposubo blanka. Ĝia flugo similas al tiu de la fulmaro. Ĉe la nestejo ĝi moviĝas nokte.
Ĝi eligas plilongigitan sonon kaj krion kiel mevo.
La flavbeka pufino vivas ĉe maro (ĉefe Mediteraneo), nestas sur insuloj en roko-fendiĝoj, grupe. Ĝi povas aperi ĝis Ĉeĥio-Svislando.
