Flugo Air France 447
| Flugo Air France 447 | |
|---|---|
 Airbus A330-200 |
|
| Ĝenerala informo | |
| Dato | 1-an de junio 2009 |
| Karaktero | Falo sur akvon de flugnivelo |
| Kaŭzo | Nekonata |
| Loko | Atlantika Oceano 03°57′N 30°37′O / 3.95°N, 30.617°O |
| Flugo | AF447 |
| Punkto de ekflugo | Rio-de-Ĵanejro |
| Punkto de alflugo | Parizo |
| Pereintoj | 228 |
| Aviadilo | |
| Tipo | Airbus 330-200 |
| Flugkompanio | Air France |
| Flanka numero | F-GZCP |
| Pasaĝeroj | 216 |
| Aviadilanoj | 12 |
| Postvivintoj | 0 |
Flugo 447 de Air France akcidentis je la 1-a de junio 2009 super Atlantiko, ekfluginte la antaŭan vesperon en Rio-de-Ĵanejro (Brazilo) direkte al Parizo (Francio).
Enhavo |
[redakti] La aviadilo
La aviadilo de la kompanio Air France estis de tipo Airbus 330-200 kaj havis la matrikulan numeron F-GZCP. Ĝia unua flugo okazis la 25-an de februaro 2005. Dum sia lasta flugo ĝi transportis 216 pasaĝerojn kaj 12 aviadilanojn, inter tiuj ĉi du stiristojn kaj unu inĝenieron. La aviadilestro havis sperton de ĉ. 11.000 flugaj horoj, inter ili 1.700 sur Airbus 330 aŭ la simila modelo 340.
La aviadilo en 2006 havis surteran kolizion kun alia aviadilo (en Parizo), sed estis nur malmulte damaĝita. La lasta inspekta revizio okazis la 16-an de aprilo 2009.
[redakti] La flugo
La aviadilo foriris de Rio-de-Ĵanejro la 31-an de majo 2009 je la 19:03 (loka tempo, = 22:03 laŭ UTC) kaj devis alveni sekvatage en flughaveno Roissy-Charles-de-Gaulle de Parizo je la 11:10 (= 09:10 laŭ UTC).
La lasta radioparola kontakto okazis je 01:33 UTC, kiam la aviadilo estis 565 km de la nord-okcidenta marbordo de Brazilo. Tiuokaze la anaro raportis, ke ĝi post ĉ. 50 minutoj eniros la aerspacon de Senegalio kaj flugas normale en alto de 10.760 m je rapido de 840 km/h. Sed la flugo frontis fortan atmosferan turbulon. La lasta kontakto konsistis el aŭtomataj mesaĝoj, kiuj alvenis je 02:14 laŭ UTC kaj indikis elektran paneon kaj perdon de aerpremo en la ĉelo. Tiuj ĉi mesaĝoj tamen atingis ne la flug-direktistojn, sed la teknikistojn de Air France. La flug-direktistoj do ne tuj estis informitaj.
[redakti] La pasaĝeroj
Air France anoncis, ke la pasaĝeraro de 32 landoj konsistis el 216 personoj: 126 viroj, 82 virinoj, sep infanoj kaj unu novnaskita bebo[1]. Estis ankaŭ 11 francaj skipanoj kaj unu brazila stevardino.
Inter la pasaĝeroj estis du brazilaj plenumaj direktoroj de la franca kompanio Michelin, inkluzive de la ĝenerala direktoro por Sud-Ameriko. Ankaŭ en la avio estis la princo Pedro Luís de Orléans e Bragança el la brazila dinastio Bragança. La loĝanto de la rusa urbo Koroljov (urbo) 46-jara Andrej Kiseljov revenis post la unua vizito al sia fianĉino, loĝanta en Rio-de-Ĵanejro.[2]
[redakti] Hazardaj "savoj"
La aviadilo estis preskaŭ plena, restis nur 3 neokupitaj lokoj el 219. 37-jaraĝa brazila juristo Joao Marcelo Calaca (Ĵoaŭ Marselu Kalasa) havis kadukan pasporton kaj al li ne oni permesis eniri la avion. Lia kamarado restis kun li en la flughaveno pro sento de solidareco. Franca profesoro simple perdis sian bileton. Svedino Kristina Badr kaj ŝia edzo Fernando naskiĝis kaj kreskiĝis en Svedio, sed de jaroj pro sia laboro loĝas en Rio-de-Ĵanejro kaj nur vizitadis la patrujon. Ili ĉiam flugadis per diversaj aviadiloj pro aviadofobio — por ke estu certe, ke almenaŭ unu el ili restos viva. La edzo kun 3-jaraĝa filino elflugis en alia avio, kaj la edzino kun filo trovis sin en la flugo 447[3].[4] La dano Stefan van Os estis flugonta en tiu ĉi flugo, sed al li telefonis kunulo kaj malkonsilis fari tion, ĉar li antaŭsentas ion malbonan.[2]
[redakti] Serĉado
La brazila flugtrafika kontrolejo (ATC) kontaktis la kontrolejon de Dakar je 02:20 laŭ UTC, ĉar la aviadilo ne respondis al radia voko. La Brazila Mararmeo tuj komencis serĉan kaj savan operacon ĉirkaŭ la arkipelago Fernando de Noronha. Francio petis de Usono la uzon de satelita observado por serĉi spurojn de la aviadilo.
La 2-an de junio 2009 je la 4-a horo laŭ UTC la serĉado estis ĉesigita. Oni informis, ke serĉaj aviadiloj brazilaj trovis pecojn de aviadilo en la supozata akcidentejo. Piloto de la brazila aviakompanio TAM Linhas Aéreas diris, ke li vidis en la loko de supozita falo de la avio "brilajn oranĝajn punktojn" sur surfaco de oceano. Senegala ŝipo pririgardis tiun ĉi lokon, sed trovis nenion[5][6]. Malbona vetero malhelpis la serĉadon[7]. Laŭ ekspertizistoj la serĉado de la sonregistrilo kaj nigra skatolo ne eblas, ĉar la profundeco de la oceano tie atingas 4 570 metrojn[8][9].
La 3-an de junio la Brazila Mararmeo ekprovis levi la rompaĵojn de la avio, kontraŭstarante al ŝtormo, sed fiaskis[10]. La ĵurnalo Le Monde, referencante fontojn proksimajn al enketado, komunikis, ke antaŭ la katastrofo la aviadilo flugis tro malrapide[11].
La 4-an de junio la gazetservo de la Brazila Aerarmeo informis pri levo de rompaĵoj de la avio en Atlantiko. Ili estis trovitaj je 340 mejloj (547 km) de la marbordo de Brazilo, nord-okcidente de arkipelago Fernando de Noronha[12][13]. Inter la rompaĵoj estis trovitaj la fragmento de parto de ŝarĝĉelo de la avio kun areo je 2,5 m² kaj 2 buoj[14]. La levo estis farita per la helikoptero Westland Lynx, bazita sur la fregato "Constituição" de la Brazila Mararmeo. Rompaĵoj estos portitaj Francion, kies aŭtoritatoj enketas la akcidenton[15]. Agence France-Presse informis, ke la aviadilo povis disfali ankoraŭ en aero aŭ disrompiĝi kontraŭ akvon[16]. Pro tio la agentejo opinias, ke "estas neniu espero por trovi postvivintojn".
La 5-an de junio oficialuloj de la Brazila Aerarmeo malkonfirmis la informon pri tio, ke la rompaĵoj, levitaj la 4-an de junio, apartenas al la malaperinta avio[17]. Ankaŭ oleaj makuloj ne estis estigitaj pro la falo de la avio, "ĉar ili estas naftaj, kaj ne kerosenaj"[18]. Ĉirkaŭ 40 parencoj de pasaĝeroj ekflugis al la loko de la katastrofo[19].
La 6-an de junio Francio ekutiligis por serĉado nuklean submarŝipon, ekipitan per hidroakustikiloj, por eltrovi la nigran skatolon[20] [21]. Brazila serĉa grupo trovis individuajn aĵojn de pasaĝeroj kaj korpojn de 2 pereintaj viroj je 900 km de arkipelago Fernando de Noronha[22] [23]. Inter la aĵoj oni malkovris ledan valizon kun la bileto por tiu avio kaj dorsosakon kun tekokomputilo. Ankaŭ estis trovita blua fotelo de aviadilo kaj oksigena masko.
La 7-an de junio usonaj militistoj ekspedis al francaj ŝipoj 2 altteknikajn ilojn (Towed Pinger Locator), kiuj helpos pri serĉado de nigra skatolo. La aparatoj Towed Pinger Locator kapablas trovi radiosignalilojn profundajn pli ol 6 km[24]. Estis trovitaj pliaj korpoj de 3 pereintoj[25] [26].
La 8-an de junio matene la novaĵagentejo Associated Press komunikis, referencante al brazila militoficialulo, pri levo de 17 korpoj de viktimoj. Vespere reprezentantoj de la Brazila Aerarmeo anoncis, ke estas elakvigitaj 16, ne 17 korpoj de viktimoj, kiel komunikite antaŭe[27].
La 9-a de junio la Brazila Mararmeo komunikis, ke serĉaj taĉmentoj elakvigis la korpojn de pliaj 4 pereintoj. Entute estas trovitaj 28 korpoj[28].
La 10-an de junio brazilaj militistoj informis, ke serĉaj taĉmentoj jam trovis korpojn de 41 pereintoj. Unuaj 16 korpoj estis alvenintaj en arkipelago Fernando de Noronha. Pliaj 25 korpoj troviĝas en la fregato "Bosísio", kiu direktiĝas al bazo en la arkipelago[29].
La 14-an de junio reprezentantoj de la Brazila Aerarmeo certigis, ke estis trovitaj 49 korpoj de pereintoj. Oni ekkonis tion post antaŭa identigado de korpoj[30].
La 19-an de junio Air France deklaris ke la familioj de la pereintoj ricevos po 17.5 miloj da eŭroj. Ankaŭ la kompanio volas instali la monumenton honore de la pasaĝeroj de la flugo 447.[31]
La 25-an de junio Air France informis ke estis retrovitaj kadavroj de ĉefa aviadilestro kaj stevardo.[32][33]
La 27-an de junio Brazilio deklaris pri la ĉeso de la serĉada-sava operacio. Tiu momente estis trovitaj 51 kadavroj, ĉe tio lastaj korpoj estis retrovitaj antaŭ 9 tagoj. La serĉadon partoprenis 12 aviadiloj de la Brazila Aerarmeo, 11 militŝipoj, ankaŭ avioj kaj ŝipoj el Francio, Hispanio, Usono. Nigrajn skatolojn malkaŝi ne oni sukcesis, ĉar tiuj kapablas sendi signalojn ĝis 1500 m, sed supozebla profundo ties troviĝado taksas je 3000-5000 m.[34]
La 2-an de julio la franca Buroo de enketado de aviakatastrofoj publikis la unuan anticipan raporton pri tiu akcidento. Ĉefa konkludo de ekspertizistoj estis ke la aviadilo ne disfalis en aero, sed rompiĝis rezulte de la bato kontraŭ la akvo ĉe "granda vertikala akcelado". Ankaŭ konstatas ke estis eltrovitaj 51 korpoj de pereintoj kaj 640 fragmentoj de la flugilo. Eltrovitaj neplenblovitaj naĝozonoj certigas ke la pasaĝeroj ne pretis por alakviĝo.[35][36]
La 10-an de julio 2009 CNN informis ke la franca ŝipo "Pourquoi Pas?" daŭrigos serĉadon de nigraj skatoloj. Sonaro, profundtrempata batiskafo Nautile, taŭga por labori je profundo ĝis 6.000 m, la teleregita roboto Victor-6000 kaj alia aparaturo devas helpi pri tio.[37][38] Pli frue Nautile uzis por serĉado de Titanic.[39]
La 3-an de aprilo 2011 en la Atlantika Oceano estis trovitaj vrakoj de la aviadilo.[40]
Je la nokto al la 5-an de majo 2011 estis levita unua korpo de pereinto el la vrako de la aviadilo.[41]
La 11-an de majo franca tribunalo decidis haltigi elakvigon de korpoj de pereintoj por ne damaĝi ilin. Pri tio persistas precipe parencoj de francaj pasaĝeroj, dum tiuj de la brazilaj volas elskvigon.[42]
La 16-an de majo oni sciigis, ke datumoj de nigra skatolo estis sukcese kopiitaj kaj estos deĉifritaj ene de kelkaj semajnoj.[43]
| Civiteco | Kvanto de pasaĝeroj | Kvanto de aviadilanoj | Tute |
|---|---|---|---|
 Francio |
61 homoj | 11 | 72 |
 Brazilo |
57 homoj | 1 | 58 |
 Germanio |
28 homoj | 0 | 28 |
 Ĉinio  Italio |
po 9 homoj | 0 | 18 |
 Svislando |
6 homoj | 0 | 6 |
 Libano  Unuiĝinta Reĝlando |
po 5 homoj | 0 | 10 |
 Hungario |
4 homoj | 0 | 4 |
 Irlando  Hispanio  Norvegio  Slovakio |
po 3 homoj | 0 | 12 |
 Belgio  Maroko  Pollando  Usono |
po 2 homoj | 0 | 8 |
 Argentino  Aŭstrio  Danio .svg){kind=small} Estonio  Filipinoj Gambio  Islando  Kanado  Kroatio  Nederlando Rumanio  Rusio  Svedio  Sud-Afriko  Turkio |
po 1 homo | 0 | 15 |
| Tute | 216 | 12 | 228 |
[redakti] Kaŭzoj de la kraŝo
[redakti] Versioj
[redakti] Difekto de aparataro
Air France promesas anstataŭigi en aviadiloj A330 kaj A340 sensilojn de aera premo, kies malĝusta funkcio povis kaŭzi kraŝon de la avio super Atlantiko. Laŭ franca Buroo de enketado de aviakatastrofoj [1] antaŭ la kraŝo de la avio alvenis 24 mesaĝoj pri difektoj. Interalie 3 sensiloj montris malsamajn datenojn, kiuj perturbas sistemojn utiligantajn tiujn ĉi informojn. Ankaŭ estis ricevita mesaĝo pri difekto de aŭtostirilo. Air France ne certigas rektan ligon inter la funkcio de tiuj ĉi sensiloj kaj la kraŝo de la avio. Tamen reprezentantoj de francaj sindikatoj deklaris post renkontiĝo kun administrantoj de la flugkompanio, ke tuj estos anstataŭigitaj en Airbus A330 kaj A340 almenaŭ po 2 sensiloj. La flughaveno lanĉis la programon de anstataŭigo de sensiloj en Airbus A330 kaj A340 jam la 27-an de aprilo. En Airbus A320 tio estis farita pli frue[44]. La 11-an de junio reprezentanto de Airbus diris ke la aviadilo disfaladis en aero dum kelkaj minutoj kaj multaj aparatoj ne estis taŭgaj de longe antaŭ la falo. Ekzemple sensiloj de aera premo ne funkciis dum kelkaj horoj.[45][46]
[redakti] Fulmo
En la loko de falo de la avio observiĝis fulmotondroj kun elektraj sparkoj[47].
[redakti] Terora ago
Stiristo de la hispana flugkompanio Air Comet asertas, ke li vidis "fortan eksplodon de blanka lumo" en loko, kie supozeble malaperis la avio. "Subite ni vidis fore la fortan kaj brilan eksplodon de blanka lumo, kiu direktiĝis vertikale malsupren kaj post 6 sekundoj malaperis", li diris. Li aldonis, ke li ne kaptis iujn mesaĝojn je frekvenco de SOS, nek antaŭ nek post la okazaĵo". Tiun eksplodon ankaŭ vidis dua stiristo kaj aviadilestro. Tamen brazilaj oficialuloj eliminis la eblon de terora ago. La brazila ministro pri defendo Nelson Jobim deklaris la 3-an de junio, ke al la versio de terora ago kontraŭdiras la tipo de la olea makulo surface de la oceano[47].
La 10-an de junio Fox News informis, referencante al la francaj sekretaj servoj, ke 2 pasaĝeroj de la kraŝinta avio estis enregistritaj kiel radikalaj islamanoj, prezentantaj minacon por ŝtato. Dum la antaŭaj monatoj la sekretaj servoj de Francio ricevis kelkajn avertojn pri preparataj teroraj agoj[48]. Poste oni informis ke nomitaj pasaĝeroj estis nur samnomuloj de la islamaj radikaluloj.[46]
[redakti] Fina konkludo
La 29-an de julio 2011 publikigis laŭvican raporton, enhavantan konkludojn pri kialoj de la kraŝo. Laŭ ĝi aviadistoj ne sukcesis adekvate reagi al la situacio kaj anticipi staŭlon de la aviadilo kaj entute malhavis spertojn pri stirado en malfacilaj cirkonstancoj.[49]
[redakti] Juĝa procezo
La 18-an de marto 2011 Bloomberg informis, ke Francio okazigis juĝan akuzon kontraŭ Air France kaj Airbus pri senintenca murdo de la pasaĝeroj de la aviadlo.[50]
[redakti] Vidu ankaŭ
[redakti] Referencoj
- ↑ Air France aviadilo malaperas super Atlantiko esperante
- ↑ 2,0 2,1 Пассажиры рейса AF 447 рассказали о своем спасении ruse
- ↑ Разгадка катастрофы лежит на дне океана ruse
- ↑ Боязнь самолётов спасла отца и дочь... ruse
- ↑ CNN angle
- ↑ Al Jazeera angle
- ↑ angle
- ↑ Reuters ruse
- ↑ Rian ruse
- ↑ BMC Бразилии ищут "черные ящики" упавшего A330 ruse
- ↑ Reuters ruse
- ↑ First plane crash debris recovered angle
- ↑ Questions Surround Downed Jet angle
- ↑ Первые обломки А330 подняты из воды в Атлантике - ВВС Бразилии ruse
- ↑ Из вод Атлантики поднят первый фрагмент разбившегося лайнера Air Franceruse
- ↑ Аэробус А330 мог развалиться в воздухе или от удара о воду ruse
- ↑ Поднятые из Атлантики обломки не принадлежат самолету Air Franceruse
- ↑ Найденные в Атлантике фрагменты не принадлежат А-330 ruse
- ↑ Родственники пассажиров лайнера Air France будут участвовать в поисках обломков ruse
- ↑ Франция направила на поиски обломков самолёта А330 атомную ruse
- ↑ French sub joins search for jet crash debris angle
- ↑ Обнаружены тела пассажиров аэробуса А-330 ruse
- ↑ Bodies 'found' from missing plane angle
- ↑ US Navy sending locators to French for plane crash angle
- ↑ More bodies found from missing Air France plane angle
- ↑ В Атлантике найдены еще несколько тел погибших в авиакатастрофе ruse
- ↑ Военные обнаружили уже 17 тел на месте крушения самолета А-330 ruse
- ↑ Поисковики нашли тела еще четверых пассажиров пропавшего А330 ruse
- ↑ Число тел, обнаруженных на месте крушения A330, возросло до 41 ruse
- ↑ На месте падения A-330 в Атлантике найдено 49 тел, по уточненным данным ruse
- ↑ Семьи погибших в авиакатастрофе над Атлантикой получат по 17,5 тысячи евро ruse
- ↑ В Атлантике найдены тела членов экипажа A330-200 ruse
- ↑ INFO FIGARO - AF 447 : le corps du pilote identifié france
- ↑ Поиски в районе падения аэробуса в Атлантике прекращены ruse
- ↑ Обнародованы первые результаты расследования катастрофы А330 над Атлантикой ruse
- ↑ AF447: pas de dislocation en vol (BEA) france
- ↑ Поиски "черных ящиков" аэробуса Air France решено продолжить ruse
- ↑ Search for Air France 'black boxes' enters new phase angle
- ↑ Обнаружены "черные ящики" разбившегося над Атлантикой A330 ruse
- ↑ Wreckage from Air France jet found in Atlantic angle
- ↑ С затонувшего в Атлантике аэробуса достали первое тело ruse
- ↑ Суд запретил поднимать тела жертв авиакатастрофы со дна Атлантики ruse
- ↑ Air France Flight Data Are Salvaged angle
- ↑ Air France срочно меняет датчики скорости ruse
- ↑ Аэробус Air France распадался в воздухе несколько минут ruse
- ↑ 46,0 46,1 Air France Jet 'Disintegrated In Mid-Air' angle
- ↑ 47,0 47,1 Испанский пилот видел "сильную вспышку" на месте исчезновения A330 ruse
- ↑ Спецслужбы Франции: два пассажира Airbus А330 были исламскими террористами ruse
- ↑ Safety Investigation into the accident on 1 June 2009 to the Airbus A330-203, flight AF447 angle
- ↑ Air France Charged Over Airbus A330 Crash Into Atlantic in 2009 angle
